އިންޑިއާއިން ވަނީ 18 މިލިއަން ދަރިވަރުންނާއި ދިރާސާވެރިންނާއި ފެކަލްޓީތަކަށް ބޭނުންވާ ގާތްގަނޑަކަށް 13،000 އެކަޑަމިކް ޖާނަލްއަށް އެފަރާތްތަކަށް ހިލޭ ވަދެވޭނެ ގޮތް ހަދައި ދީފައެވެ.
ޖެނުއަރީ 1، 2025 އިން ފެށިގެން އިންޑިއާއިން އަލަށް ފަށާފައިވާ "ވަން ނޭޝަން ވަން ސަބްސްކްރިޕްޝަން" ސްކީމްގެ ދަށުން ތިން އަހަރު ދުވަހުގެ ތެރޭގައި ސަރުކާރުން އިލްމީ މަޖައްލާތަކަށް އިޝްތިރާކު ދެއްކުމަށް 715 މިލިއަން ޑޮލަރު ހަރަދު ކުރާނެ އެވެ.
މި ސްކީމުގެ ދަށުން އިމްލީ ދިރާސާ ކުރާ ތަންތަނާއި މަރުކަޒުތަކާއި ޔުނިވަރސިޓީތަކަށް މަރުކަޒީ ނިޒާމެއްގެ ތެރޭން އިލްމީ މަޖައްލާތަކާއި ދިރާސާތައް ލިބޭނެއެވެ.
ދުނިޔޭގެ އެންމެ ބޮޑު އިޝްތިރާކު ދެއްކުމުގެ މި އެއްބަސްވުމަކީ އެލްސެވިއާ، ސްޕްރިންގާ ނޭޗާ، އަދި ވައިލީ ފަދަ ދުނިޔޭގެ މަޝްހުރު އިލްމީ 30 ޕަބްލިޝަރުންނާ އެކު އިންޑިއާގެ ފަރާތްތަކަށް އެ އިމްލީ މާއްދާތައް ހޯދައ ދިނުމަށް ވެފައިވާ އެއްބަސްވުމެކެވެ.
މި އިސްނެގުމުގެ ސަބަބުން ސަރުކާރުން ސަބްސިޑީ ދޭ ގާތްގަނޑަކަށް 6300 މުއައްސަސާތަކަށް އެ ޖާނަލްތަކާއި ދިރާސާތައް ހިލޭ ލިބޭނެއެވެ. މިއީ މިހާރު އޮތް ހާލަތަށް ބަލާއިރު ބޮޒދު ކުރިއެރުމެކެވެ. މިހާރު ހަމައެކަނި 2300 މުއައްސަސާއަކުން އިޝްތިރާކު ދައްކާފައި ވަނީ 8 ހާސް ޖާނަލްއަކަށެވެ.
އާ އިޝްތިރާކުގެ ޕްލޭންގެ ދަށުން ސަރުކާރުގެ ސަބްސިޑީ ނުލިބޭ ޔުނިވާސިޓީތަކާއި ކޮލެޖުތަކަށް ވެސް މިޖާނަލްތަކަށް ވަދެވޭނެއެވެ.
އަދި ހަމައެއާއެކު އިންޑިއާގެ ދިރާސާ ކުރާފަރާތްތަކުގެ ދިރާސާތައްވެސް ދުނިޔޭގެ އިލްމީ ޖާނަލްތަކުގައި ޝާއިއު ކުރުމަށް ފުރުސަތު ލިބޭނެއެވެ.
ދުނިޔޭގެ ފެންވަރުގައި އެގޮތަށް ޝާއިއު ކުރާ ކޮންމެ ދިރާސާއަކަށް އެވްރެޖްކޮށް 2000 ޑޮލަރު ލިބެއެވެ.މީގެ ކުރިން އިންޑިއާ މީހުންނަށް މިފަދަ ފައިސާއެއް ލިބޭ ގޮތެއް ނުވެއެވެ.
