ޓެރަރިސްޓް ޒަޔަނިސްޓު ސިފައިން ޣައްޒާގައި ހަނގުރާމައިގެ ޖަރީމާތައް ހިންގަމުން ގެންދާއިރު އިޒްރޭލުގެ ސަރުކާރުގެ ވާގިވެރިކަމާއެކު ހުޅަނގު އައްސޭރީގައި ވަޒަންވެރިކޮށްފައިވާ ޔަހޫދު ޒަޔަނިސްޓު ޓެރަރިސްޓު ސެޓްލަރުން ދަނީ ފަލަސްޠީނު މީޙުންގެ އާބާދީތަކަށް އަތްގަދަކޮށް ފަލަސްޠީނު މީހުން އެމީހުން ގެތަކުން ނެރެމުން އެތަންތަނުން ނަސްލު ސާފު ކުރަމުންނެވެ.
އޮކްޓޯބަރު މަހުގެ ހަތް ވަނަ ދުވަހުން ފެށިގެން މަދުވެގެން ހުޅަނގު އައްސޭރީގައި ފަލަސްޠީނުގެ 57 އާބާދީއެއް ޔަހޫދީ ޓެރަރިސްޓް ސެޓްލަރުން ވަނީ އެމީހުންގެ ބާރުގެދަށަށް ގެނަސް އެތަންތަނުން ނަސްލު ސާފުކޮށްލާފައެވެ. އޭގެ ތެރޭން 50 އާބާދީއަކީ އެއްކޮށް މިހާރު ޗާޓުން ފޮހެލާފައިވާ ތަންތަނެވެ.
