ޒަޔަނިސްޓު އިޒްރޭލު ސިފައިން ޔަމަނަށް ވައިގެ މަގުން ހަމަލަތަކެއް ދީފިއެވެ. އަދި ނަތަންޔާހޫ ބުނެފައި ވަނީ، "މިޝަން ފުރިހަމަ ނުވާހާ ހިނދަކު" ދެން ހުރި ހިސާބުތަކަށްވެސް ހަމަލަތައް ދެމުން ގެންދާނެ ކަމަށެވެ. އަދި ނަތަންޔާހޫގެ އޮފީހުން ފޮނުވި ވީޑިއޯ މެސެޖެއްގައި އޭނާ ބުނެފައި ވަނީ އީރާނު ބަލިކޮށްލުމަށް ކުރާ މަސައްކަތުގައި އަދި މިއީ ފެށުމެއް ކަމަށެވެ.
އިޒްރޭލުން ދިން ވައިގެ ހަމަލާގައި ޔަމަންގައި މަސައްކަތް ކުރާ ދުނިޔޭގެ ސިއްޙަތު ޖަމުއިއްޔާގެ މުވައްޒަފަކުވެސް މަރުވެފައިވާ ކަމަށް، ދުނިޔޭގެ ސިއްހަތު ޖަމިއްޔާގެ ޑިރެކްޓަރ ޖެނެރަލް އަދަނޮމް ގެބްރެއިސަސް ވަނީ އިއުލާން ކުރައްވާފައެވެ.
އިޒްރޭލުން ހަމަލަތައް ދީފައި ވަނީ، ހޫސީން އިޒްރޭލަށް ބެލެސްޓިކް މިސައިލުން ހަމަލަތައް ދެމުން ދަނިކޮށެވެ.
ޒަޔަނސްޓުންގެ އަރަބި ތަރުޖުމާން އަފީޚާއި އަދުރުއީ އެކްސްގައި ކުރި ޕޯސްޓެއްގައި ބުނެފައި ވަނީ، މިހަމަލަތައް އަމާޒުކޮށްފައިވަނީ، ހުދައިދާ ބަނދަރަށާއި ސަންޢާ އިންޓަނޭޝަނަލް އެއާޕޯޓާއި އިންޖީނުގެ އަކަށާއި އަދި އަސްކަރީ އިންފްރާސްޓްރަކްޗާތަކަކަށް ކަމަށެވެ.
ހޫތީ ޖަމާއަތާ ގުޅުން ހުރި މީޑިއާ ރިޕޯޓްކޮށްފައިވާ ގޮތުގައި އިޒްރޭލުން ހިންގި ރޭޑްތަކުގައި 3 މީހަކު މަރުވެ 11 މީހަކު ޒަހަމްވެފައިވެ އެވެ.
