ލީ ޔިކްސޫއަކީ، އިޖުތިމާއީ މައްސަލަތަކަށް ފާޑު ކިޔައި އުޅޭ ބްލޮގަރެކެވެ. އުމުރުން ވީހުގެ އަހަރުތަކުގައި އުޅޭ ލީ އަކީ ޓިކްޓޮކްގެ ޗައިނާގެ ވާޝަން ކަމަށްވާ ޑައުއިން ގައި 8 ލައްކައަށް ވުރެން މީހުން އޭނާގެ ކޮންޓެންޓް ފޮލޯ ކުރާ ޒުވާނެކެވެ. ލީގެ ހަތުރުންނަކީ ޗައިނާ ފުލުހުންނެވެ.
2002ގައި ފުލުހަކު ލީއަށް ދިން ހަމަލައެއްގައި އޭނާއަށް ޖިންސީ ގޯނާކުރިކަމަށްވެސް އޭނާ ވަނީ ޝަކުވާ ކޮށްފައެވެ. ނަމަވެސް ފުލުހުން ބުނަނީ، ލީގެ ފުލުސް އޮފިސަރާ ދެކޮޅަށް ލީގެ ތުހުމަތުތައް ސާބިތުވާ ވަރުގެ ހެއްކެތް ނުފެނުނު ކަމަށެވެ.
ލީގެ މައްސަލާގައި ޗައިނާގެ ގާނޫނީ ތަޖުރިބާކާރުން ވަނީ އަނެއްކާވެސް އިރުމަތީ ޕްރޮވިންސް ޖިއަންގްޝީގެ ފުލުހުން ކުށްވެރިކޮށްފައެވެ.
ފުލުހުން ވަނީ، ލީގެ ބޮލުގައި ތުހުމަތުތަކެއް އަޅުވައި އޭނާ ހައްޔަރުކޮށްފައި މިފަހަރު ނަފްސާނީ ބަލި މީހުންގެ ހަސްފަތާލަކަށް ފޮނުވާފައެވެ. ފުލުހުން ބުނެފައި ވަނީ ޑޮކްޓަރަށް ދެއްކުމުން އޭނާއަކީ ބޯ ހަމަނުޖެހޭ މީހެއްކަމަށް ޑޮކްޓަރު ބުނުމުން ނަފްސާނީ ހަސްފަތާލަށް ފޮނުވާލީ ކަމަށް ސައުތު ޗައިނާ ޕޯސްޓްގައި ބުނެފައި ވެއެވެ.
