ދެކުނު ކޮރެއާގެ ރައީސަށް ތާއީދު ކުރާ މީހުންނާއި އޭނާ މަގާމުން ދުރުކުރަން ބޭނުންވާ މީހުން މިއަދު ހަވީރު އެއްވުންތަކެއް ބާއްވައިފިއެވެ. ދެ ބައިމީހުން އެއްވުންތައް ބާއްވާފައި ވަނީ ކޮންމެ ބަޔަކުވެސް އަނެއް ބަޔަކާ އެއް ކިލޯމީޓަރުގެ ދުރުމިނުގައެވެ.
ރައީސް މަގާމުން އަޒުލު ކުރަން ބޭނުންވާ މީހުން ބުނީ އެމީހުންގެ އެއްވުމުގައި 5 ލައްކަ މީހުން ބައިވެރިވި ކަމަށެވެ. ނަމަވެސް ފުލުހުން ބުނެފައި ވަނީ އެ އެއްވުމުގައި ތިބޭނީ ފަންސަތިރީސް ހާސް މީހުން ކަމަށެވެ.
ރައީސަށް ސަޕޯޓުކޮށް އެއްވުން ބޭއްވި މީޙުން ބުނީ އެމީހުންގެ އެއްވުމުގައި 3 ލައްކަ މީހުން ބައިވެރިވި ކަމަށެވެ. ފުލުހުން ބުނީ އެ އެއްވުމުގައިވެސް ތިބޭނީ ފަންސަތިރީސްހާސް މީހުން ކަމަށެވެ.
