މި ކުކުޅަކީވެސް މަދުބާވަތް ތަކެއް ބޭނުން ކޮށްގެން ވަރަށް ފަސޭހައިން ހަދާލެވޭ، މީރު ކުކުޅެކެވެ.
ބޭނުންވާ ތަކެތި
1 ބިސް
4/1ސައި ސަމްސާ މުގުރި އަސޭމިރުސް
2/1ޖޯޑް އާދައިގެ ފުށް
2/1ޖޯޑް ކޯން ފްލާރ
2/1ސައިސަމްސާ ލޮނު
1ސައިސަމްސާ ތެޅި މިރުސް
1ސައިސަމްސާ ލޮނުމެދު
1ސައިސަމްސާ އިގުރު
1ސައިސަމްސާ ފިޔާ (ޗަސްކޮށްފައި)
1ސައިސަމްސާ އޮރިގާނޯ
1ސައިސަމްސާ ޗިލީ ފްލޭކްސް
2/1ސައިސަމްސާ އަސޭމިރުސް
6 ކުކުޅުފައި (ޑްރަމްސްޓިކް)
1 ޖޯޑް ފާރޮށިކުނޑި
ކުކިން އޮއިލް
ހައްދަވާނޭގޮތް
*އެންމެ ފުރަތަމަ އަސޭމިރުސް އަދި ލޮނު ކޮޅެއް އަޅުއްވައިގެން ކުކުޅުފައިކޮޅު ރަގަޅަށް މޮޑެލެއްވުމަށްފަހު 1 ގަޑީއިރު ވަންދެން މެރިނޭޓް ކުރެއްވުމަށް ބަހައްޓަވާށެވެ.
* ވަކިން ތައްޓެއްގައި ބިސް އަދި 4/1 ސަމްސާ އަސޭމިރުސް އަޅުއްވައިގެން ރަގަޅަށް ބިސްކޮޅު ގިރާލެއްވުމަށްފަހު ބަހައްޓަވާށެވެ.
* ފާރޮށިކުނޑި ފިޔަވާ ބަކީ ހުރި އެހެން ހުރިހާ ތަކެތި އެއްކުރެއްވުމަށްފަހު ބަހައްޓަވާށެވެ.
* ކުކުޅުފައިތައް ކުރިން އެއްކުރައްވާފައި ހުރި ފުށްކޮޅުތެރެއަށް ލެއްވުމަށްފަހު، ރަގަޅަށް ފުށްއުގުޅެއްވުމަށްފަހު، ގިރާފާހުރި ބިސްކޮޅު ރަގަޅަށް ފައިތަކުގައި އުގުޅެއްވުމަށްފަހު، ފާރޮށި ރަގަޅަށް އުގުޅެއްވުމަށްފަހު، ތަވައަކަށް ތެޔޮ އެޅުއްވުމަށްފަހު ރަގަޅަށް ތެޔޮގަނޑު ހޫނުވުމުން ފައިތައް އަޅުއްވާ ގޯލްޑަން ބްރައުން ކުލަ އަރަންދެން ތެއްލަވާށެވެ.
