ޣައްޒާ ގަތުލުއާންމާއި ހަނގުރާމައިގެ ޖަރީމާތަކަށް އެމެރިކާއިން ވާގިވެރިވާތީ އެކަމާ ދެކޮޅު ހެދުމަށް، މިއަދު، އެމެރިކާގެ ބައެއް ސްޓޭޓްތަކުގައި ސިއްޙީ ޚިދުމަތް ދޭ ފަރާތްތައް މަސައްކަތަށް ނުނިކުމެ، ހަޅުތާލު ކުރާނެއެވެ.
މި ހަޅުތާލަށް ގޮވާލާފައި ވަނީ، ޑޮކްޓަރސް އެގޭންސްޓް ޖެނޮސައިޑް އިންނެވެ.
މި ހަޅުތާލުގައި، ޑޮކްޓަރުންނާއި ސިއްޙީ ޚިދުމަތް ދޭ ފަރާތްތައް ނަގާނީ،ސަލާމު ބުނެގެން، #SickFromGenocide ޗުއްޓީ އެކެވެ.
އެމެރިކާ ޑޮކްޓަރުންނާއި ނަރުހުން، މި ހަޅުތާލު އިއުލާން ކޮށްފައިވާއިރު، ޣައްޒާގައި ފިނި ބޮޑުވެގެން 8 ވަނަ ބޭބީއެއް ވަނީ މަރުވެފައެވެ.
އެމެރިކާގެ މުސްލިމުންގެ ޖަމުއިޢްޔާ ކެއާރ އިން ބުނެފައި ވަނީ، އެމެރިކާގެ ރައީސް ޖޯ ބައިޑެން ވަނީ، އޭނާގެ ވެރިކަމުގައި ނަސްލު ނައްތާލުމާއި ހަނގުރާމައިގެ ޖަރީމާތަކާއި ގަތުލުއާންމަކީ ކުރަން އެންމެ ހެޔޮ ކަންކަން ކަމަށް ހަދައި ދީފައެވެ. މުސްލިމުންގެ ޖަމުއިއްޔާއިން ވަނީ "ނަސްލު ނައްތާލުމުގެ ކުރިމަތީގައި ބައިނަލްއަގްވާމީ ފެންވަރުގައި ބޮލާލައި ޖެހުން" ވަރަށް އޯކޭ ކަމެއް ކަމުގައި ހަދާފައިވާތީ ޤައުމުތަކަށާއި ބައިނަލްއަޤްވާމީ މުޖުތަމައަށް ފާޑު ކިޔާފައެވެ.
ޣައްޒާގެ ގަތުލުއާނަށް ނަސާރާއިން މީސްމީޑިއާގައި ދެކޮޅުހަދައި، މެސެޖުތައް އާންމު ކުރަމުންދާއިރު މުސްލިމު ގައުމުތަކާއި ވެރިން ވަނީ އިޒްރޭލުގެ އަނިޔާތަކަށް ސިއްކަ ޖެހި ބަޔާންތަކުން ހެނދުނު ފާޑުކިޔައި ހަވީރު އެމެރިކާއަށް ސަޕޯޓު ކޮށްހަދާފައެވެ.
އެމެރިކާގެ މުސްލިމުންގެ ޖަމުއިއްޔާ ކެއަރ، އިން އޮކްޓޯބަރު މަހުން ފެށިގެން ބުނަމުން ދަނީ ބައިޑެންގެ ސަރުކާރަކީ ގަތުލުއާންމާއި ނަސްލު ނައްތާލުމުގައި ބައިވެރިއެއް ކަމަށެވެ.
މުސްލިމުންގެ މަރުވެފައިވާ ޒަމީރުގެ ނިވަލުގައި އިޒްރޭލުން މިހާތަނަށް، ޣައްޒާގައި ގާތްގަނޑަކަށް 46،000 މީހުން ކަތިލާފައިވެއެވެ. އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
ޒަޔަނިސްޓުން ޝަހީދުކޮށްލާފައިވާ މީހުންނަކީ ޣައްޒާގެ އާބާދީގެ 2.2 ޕަސެންޓެވެ. ކެއަރ އިން ބުނަނީ އެއީ އެމެރިކާގެ އާބާދީއަށް ބަލާނަމަ، އެމެރިކާގެ 7.6 މިލިއަން މީހުން މަރުވުމާ އެއްވަރުގެ އަދަދެއް ކަމަށެވެ.
މިދިޔަ ތިން ދުވަހުގެ ތެރޭގައި އިޒްރޭލުން ވަނީ ޣައްޒާގެ އެކި ހިސާބުތަކުގައި ފަލަސްތީނުގެ 200 އަށް ވުރެ ގިނަ މީހުން ޝަހީދުކޮށްލާފައެވެ.
ބައިޑެންގެ ސަރުކާރުން ވަނީ ޣައްޒާގައި ނަސްލު ނައްތާލުމާއި ހަނގުރާމައިގެ ޖަރީމާތަކަށް 8 ބިލިއަން ޑޮލަރުގެ ހަތިޔާރު ޒަޔަނިސްޓުންނަށް ދިނުމަށް ނިންމާފައެވެ. އެކަމާ ގުޅިގެންގެ، ކެއަރ އިން ނެރުނު ބަޔާނުގައި ބުނެފައި ވަނީ، އެއީ، "ނަސްލު ނައްތާލުމަށް ތާއީދުކޮށް ބައިޑެންގެ ސަރުކާރުން ފާސްކުރާ 8 ބިލިއަން ޑޮލަރުގެ އެއްބަސްވުމެއް" ކަމަށެވެ.
ޑޮކްޓަރޒް އެގެއިންސްޓް ޖެނޮސައިޑް އިން ވަނީ ހޭޝްޓެގްތަކެއް ވެސް ތައާރަފް ކޮށްފައެވެ.
#SickFromGenocide #LetGazaLive #FreeDrHussamAbuSafiya #StopArmingIsrael #CeasefireNow #DAG #FundHealthcareNotWarfare
