ބޮލީވުޑްގެ ސުޕަސްޓާ އަކްޝޭ ކުމާރު ފަޚުރުވެރި އާއިލީ ހިނދުކޮޅެއް މީސްމީޑިއާގައި ފާހަގަކޮށްފިއެވެ. އޭނާގެ އާއިލާގައު އުފެދޭ އައު ތަރިއެއް ބޮލީވުޑަށް ތައާރަފް ކުރެވޭތީ އޭނާ އުފާ ފާޅުކޮށްފައި ވެއެވެ.
ކުރިއަށް އަންނަން އޮތް ފިލިމު "އިއްކީސް" ގައި އެކްޓް ކުރާ ސިމަރު ބާޓިއާ އަކީ، އަކްޝޭގެ ކޮއްކޮ އަލްކާ ބާޓިއާގެ ދަރިއެވެ.
ސިމަރު ފެނިގެންދާނީ އަމީތާބް ބައްޗަންގެ ކާފަދަރިފުޅު އަގަސްތާޔާ ނަންދާ އާއެކު ފިލުމް "އިއްކީސް" ގައެވެ.
ސްރީރާމް ރާގަވަން ޑައިރެކްޓްކޮށްފައިވާ މި ފިލްމުގައި ކިޔައިދެނީ 1971 ވަނަ އަހަރު އިންޑިއާ ޕާކިސްތާން ހަނގުރާމައިގެ ތެރޭގައި ތަފާތު ހިތްވަރެއް ދެއްކި ޕަރަމް ވީރް ޗަކްރާ އެވޯޑް ލިބިފައިވާ ސެކަންޑް ލެފްޓިނެންޓް އަރޫން ކެތަރްޕާލްގެ ވާހަކަ އެވެ.
ސިމާރު ފިލްމީ ދާއިރާއަށް ނުކުންނަށް ވާހަކަ ލިޔެފައިވާ ނޫސްކްލިޕް އަކްޝޭ ވަނީ އުފަލާއެކު މީސްމީޑިއާގައި ހިއްސާކޮށްފައެވެ. މިފިލްމުގައި ދަރްމެންދްރާގެ ރޯލެއްވެސް ފެންނާނެއެވެ.
