ވަށްބޯހަނދި

މިއީ ވަރަށް ފަތިކޮށް ކުކުޅުބިސްބުރަށް ހުންނަމަހެކެވެ.

މަހުގެ ބޮލުގެ މަތީބައި ހުންނަނީ ވަރަށް ބޮޑަށް ވަށްކޮށެވެ. އަނގައިގެ މަތީބައިގައްޔާއި ތިރީބައިގައި ކުދިކުދި ދަތްތަކެއް ހުރެއެވެ. މަހުގެ ކަރުގެ ކުރީބުރުގައި 2 އާއި 25 އާ ދެމެދުގެ ޢަދަދަކަށް ކަށިހުރެއެވެ. މަހުގެ ބުރަކަށިމަތީ ފުރަތަމަ ކޮތަރިބައިގައި ހަރު 8 ކަށިހުރެއެވެ. ދެވަނަ ކޮތަރިބައިގައި ހަމައެކަހަލަ 1 ކަށްޓާއެކު 20 އާއި 23 އާ ދެމެދުގެ ޢަދަދަކަށް މަޑުކަރިހުރެއެވެ. ބަނޑުދަށްފަރާތު ކޮތަރިބައިގައި ވަކިންހުންނަ 2 ހަރުކަށްޓަށްފަހު އިތުރު 4 ހަރުކަށްޓާއެކު 16 އާއި 20 އާ ދެމެދުގެ ޢަދަދަކަށް ކަށިހުރެއެވެ.

މިމަސް އެންމެ ބޮޑުވަނީ 40 ސެންޓިމީޓަރަށެވެ. މިބާވަތުގެ ޅަމަހުގެ ބުރަކަށިމަތީގެ ދެވަނަ ކޮތަރިބައިގެ ކުރީކޮޅުގައި ނަރުވައެއް ހުރެއެވެ. މަހުގެ ކަންފަތްގަޑުގެ ބުޑުން ފެށިގެން ކަރުތާފަތާ ދެމެދުގެ ތިރިން ބަނޑުދަށްފަރާތުގައި އުޅުނބެއްނުހުރެއެވެ.

މަހުގެ ކުލައަކީ ރިހިކުލައެވެ. މަހުގެ މަތީބަޔަށްވުރެ ތިރީބައި ކުލަ ފަނޑުވާނެއެވެ. މަހުގެ އަރިމަތީގައި ކުދިކުދި ރީނދޫ ކުލައިގެ ތިކިތަކެއް ހުރެއެވެ. މަހުގެ ކަރުތާފަތުގެ މަތީ ކޮޅުގައި ކަޅުކުލައިގެ ލަފެއް ހުރެއެވެ. މަހުގެ ކަންފަތް ހުންނަނީ ފަނޑު ރީނދޫ ކުލައެއްގައެވެ. މަހުގެ މަތީ 2 ވަނަ ކޮތަރިބަޔާ ތިރީ ކޮތަރިބަޔާއި، ނިގޫފަތުގެ ކައިރިފަށް ހުންނަނީ ގަދަ އަޅިކުލައެއްގައެވެ. ވަށްބޯހަނދި ޢާއްމުކޮށް އުޅެނީ ފަރުތަކުގެ ބޭރުން ފުނުގައެވެ. ނަމަވެސް މަދުމަދުން ތިލައިންވެސް ފެނެއެވެ. މިއީ ފަރުކެޔޮޅުކަމުގައި ބޭނޭ ދިވެހިން ކެއުމަށް ބޭނުންކުރާ މީރުމަހެކެވެ.

މަސްދަރު:ފިޝަސް އޮފް ދަ މޯލްޑިވްސް މެރިން ރިސާޗު ސެންޓަރ، 2003

މިއީ ވަރަށް ފަތިކޮށް ކުކުޅުބިސްބުރަށް ހުންނަމަހެކެވެ.

މަހުގެ ބޮލުގެ މަތީބައި ހުންނަނީ ވަރަށް ބޮޑަށް ވަށްކޮށެވެ. އަނގައިގެ މަތީބައިގައްޔާއި ތިރީބައިގައި ކުދިކުދި ދަތްތަކެއް ހުރެއެވެ. މަހުގެ ކަރުގެ ކުރީބުރުގައި 2 އާއި 25 އާ ދެމެދުގެ ޢަދަދަކަށް ކަށިހުރެއެވެ. މަހުގެ ބުރަކަށިމަތީ ފުރަތަމަ ކޮތަރިބައިގައި ހަރު 8 ކަށިހުރެއެވެ. ދެވަނަ ކޮތަރިބައިގައި ހަމައެކަހަލަ 1 ކަށްޓާއެކު 20 އާއި 23 އާ ދެމެދުގެ ޢަދަދަކަށް މަޑުކަރިހުރެއެވެ. ބަނޑުދަށްފަރާތު ކޮތަރިބައިގައި ވަކިންހުންނަ 2 ހަރުކަށްޓަށްފަހު އިތުރު 4 ހަރުކަށްޓާއެކު 16 އާއި 20 އާ ދެމެދުގެ ޢަދަދަކަށް ކަށިހުރެއެވެ.

މިމަސް އެންމެ ބޮޑުވަނީ 40 ސެންޓިމީޓަރަށެވެ. މިބާވަތުގެ ޅަމަހުގެ ބުރަކަށިމަތީގެ ދެވަނަ ކޮތަރިބައިގެ ކުރީކޮޅުގައި ނަރުވައެއް ހުރެއެވެ. މަހުގެ ކަންފަތްގަޑުގެ ބުޑުން ފެށިގެން ކަރުތާފަތާ ދެމެދުގެ ތިރިން ބަނޑުދަށްފަރާތުގައި އުޅުނބެއްނުހުރެއެވެ.

މަހުގެ ކުލައަކީ ރިހިކުލައެވެ. މަހުގެ މަތީބަޔަށްވުރެ ތިރީބައި ކުލަ ފަނޑުވާނެއެވެ. މަހުގެ އަރިމަތީގައި ކުދިކުދި ރީނދޫ ކުލައިގެ ތިކިތަކެއް ހުރެއެވެ. މަހުގެ ކަރުތާފަތުގެ މަތީ ކޮޅުގައި ކަޅުކުލައިގެ ލަފެއް ހުރެއެވެ. މަހުގެ ކަންފަތް ހުންނަނީ ފަނޑު ރީނދޫ ކުލައެއްގައެވެ. މަހުގެ މަތީ 2 ވަނަ ކޮތަރިބަޔާ ތިރީ ކޮތަރިބަޔާއި، ނިގޫފަތުގެ ކައިރިފަށް ހުންނަނީ ގަދަ އަޅިކުލައެއްގައެވެ. ވަށްބޯހަނދި ޢާއްމުކޮށް އުޅެނީ ފަރުތަކުގެ ބޭރުން ފުނުގައެވެ. ނަމަވެސް މަދުމަދުން ތިލައިންވެސް ފެނެއެވެ. މިއީ ފަރުކެޔޮޅުކަމުގައި ބޭނޭ ދިވެހިން ކެއުމަށް ބޭނުންކުރާ މީރުމަހެކެވެ.

މަސްދަރު:ފިޝަސް އޮފް ދަ މޯލްޑިވްސް މެރިން ރިސާޗު ސެންޓަރ، 2003