އިނގިރޭސި ލީގް ކަޕް ސެމީފައިނަލުގެ ފުރަތަމަ ލެގުގައި ރޭ ރަށުން ބޭރުގައި ޓޮޓެންހަމް އަތުން 1-0 އިން ބަލިވުމުންް ލިވަޕޫލުން ރެފްރީ ގޯސްކޮށްފިއެވެ.
ލިވަޕޫލުގެ ކޯޗް އާނޭ ސްލޮޓާއި ކެޕްޓަން ވެންޑައިކަށް ރެފްރީ ގޯސްވީ ލިވަޕޫލް ކޮޅަށް ލަނޑު ޖެހި ލޫކަސް ބާފްވޯލްއަށް ރަތްކާޑް ދައްކާ ދަނޑުން ފޮނުވާ ނުލުމުންނެވެ.
ބާފްވޯލް، ލިވަޕޫލް ކޮޅަށް ލަނޑު ޖެހީ 86 ވަނަ މިނެޓުގައެވެ. އޭގެ ކުރިން އޭނާ ލިވަޕޫލުގެ ލުއިޒް ޑިއާޒަށް ކުރި ފައުލަކަށް ރީނދޫ ކާޑް ދެއްކިއެވެ. އަދި ލަނޑު ޖެހުމުގެ 2 މިނެޓް ކުރިން ޑިފެންޑަރު ކޮސްޓާސް ސިމިކާސް ބާފްވޯލް ނުރައްކާތެރި ޓެކުލެއް ކުރިއެވެ. ރެފްރީ އެވަގުތު ދެއްކީ ޕްލޭ އޮންއެވެ.
މެޗަށްފަހު ސްލޮޓް ބުނީ ރެފްރީއަށް މި މަންޒަރު ރަނގަޅަށް ފެންނާނެކަމަށާއި ބާފްވޯލްއަށް ދެވަނަ ރީނދޫކާޑާއެކު ރަތްކާޑެއް ދައްކަންޖެހޭނެ ކަމަށެވެ. ކެޕްޓަން ވެންްޑައިކުގެ ވާހަކަތައްވެސް ހުރީ މިގޮތަށެވެ.
ސެމީގެ ދެވަނަ ލެގުގައި މި ދެޓީމު އެންފީލްޑުގައި އަންނަ މަހުގެ 7 ވަނަ ދުވަހު ބައްދަލު ކުރާނެއެވެ.
