ފަލަސްޠީނަށް ބޮން އަޅައި އެންމެން މަރައި ޣައްޒާ ސުންނާފަތިކޮށްލަން ގޮވާލި ހޮލީވުޑްގެ އެކްޓަރު ޖޭމްސް ވުޑްސްގެ ގެ އެއްކޮށް އަދައިގެން ހިނގައްޖެއެވެ.
ފަލަސްތީނަށް ތާއީދުކުރާ މީހުން ވަނީ ޒަޔަނިސްޓުނަށް މަދުރަން ޖެހުނު އެކްޓަރަށް ފަލަސްޠީނު މީހުންގެ ހާލަތު އިޙުސާސްކޮށް އެމީހުންނަށް ހަމްދަރުދީ ވުމަށް ގޮވާލާފައެވެ.
ވުޑްސް ވަނީ އޭނާގެ، ޓުއީޓުތަކުގައި ފަލަސްޠީނު މީހުންނަށް ދެކޮޅަށް "އެ އެންމެން މަރާލާ" ހެޝްޓެގު ބޭނުން ކޮށްފައެވެ.
ގެ އަނދައިގެން ހާލުގައި ޖެހުމަށްފަހު، ފެންކަޅިވެ ހުރެގެން ވުޑްސް ވަނީ ގެ އެނދި ގޮތާ ބެހޭ ގޮތުން އަސަރާއެކު ސީއެންއެންއަށް އިންޓަރވިއުއެއް ދީފައެވެ. ފަލަސްޠީނަށް ސަޕޯޓު ކުރާ މީހުންނަށް މިކަން ވެގެން ދިޔައީ ޖޯކަކަށެވެ.
"އެއްދުވަހު މި އޮތީ ސްވިމިން ޕޫލުގައި، އަނެއް ދުވަހު އެތަން ނެތިގެން މި ދިޔައީ،" ގިސްލަމުން ސީއެންއެންއަށް އެކްޓަރު ކިޔައި ދިނެވެ.
ފަލަސްތީނުގެ މަޝްހޫރު ޅެންވެރިޔާ މުސްޢަބް އަބޫ ތާހާ މީސްމީޑިއާގައި ވުޑްސްއާ ދިމާކޮށް ބުނެފައި ވަނީ، "އޮންއެއަރގައި ކަލެއް ރޯން ކެރިއްޖެ ދޯ؟"
މުސްޢަބް ބުނީ، "2023ގެ އޮކްޓޯބަރު މަހުގެ 28 ވަނަ ދުވަހު އަހަރަމެންގެ ގެއަށް ބޮންއަޅައި އެތަންތަން ސުންނާފަތިކޮށްލި އިރު، އަހަރެން ދާނެ ރައްކާތެރި ތަނެއް ނެތް. އަދި އަހަރެންނަށް އަހަރެންގެ ހުރި ގޮތް ބަލާލަން ދާނެ ފުރުސަތެއްވެސް ނެތް. އެއީ އެތަން އިސްތިއުމާރު ކޮށްފަ އޮތީމަ"އެވެ.
