ޒަޔަނިސްޓުންގެ ބޮޑު މީހާއަށް މަލާމާތް ކޮށް ހަރާމީއަށް ގޮވާ ވީޑިއޯއެއް އެމެރިކާގެ މުންތަޚަބް ރައީސް ޑޮނާޑް ޓްރަމްޕް އޭނާގެ މީސްމީޑިއާ މަންސަ ޓްރުތު ސޯޝަލްގައި ޝާއިއުކޮށްފިއެވެ.
އެ ވީޑިއޯއެއްގައި އެމެރިކާގެ ޕްރޮފެސަރު ޖެފްރީ ސަކްސް، ޒަޔަނިސްޓުންގެ ބޮޑު ވަޒީރު ނަތަންޔާހޫއަށް ފާޑުކިޔައި ފުރައްސާރަކުރާ މަންޒަރު ފެނެ އެވެ.
އެ ވީޑިއޯގައި ސަކްސް ނަތަންޔާހޫއާ ދިމާއަށް ބުނެފައި ވަނީ، ނަތަންޔާހޫއަކީ "ހިތް ކަޅު، ފައްކާ ހަރާމްޒާދާއެއް!" ކަމަށެވެ. އަދި އެމެރިކާ ހަނގުރާމަތަކަށް ވައްދައި ހަމަނުޖެހުން އުފައްދަނީ މި ހަރާމްޒާދާ ކަމަށެވެ.
ސަކްސް ވީޑިއޯގައި އިތުރަށް ބުނަނީ 1995 ވަނަ އަހަރުން ފެށިގެން ނަތަންޔާހޫ އެމެރިކާއަށް ވިސްނައި ދެނީ، "ހަމާސް އާއި ހިޒްބުالله އިން ސަލާމަތްވެވޭނެ ހަމައެކަނި ގޮތަކީ އެމީހުންނަށް ތާއީދުކުރާ ސަރުކާރުތައް ވައްޓާލުން" ކަމަށެވެ. އެއީ ސޫރިޔާއާއި އީރާނާއި އިރާގްގެ ސަރުކާރުތައް ކަމަށާއި މިމަގްސަދު ހާސިލު ކުރުމަށް "ހަރާމްޒާދާ ނަތަންޔާހޫ އަހަރެމެން އެމެރިކާ މީހުން ހަނގުރާމަތަކަށް ވައްދަން މަސައްކަތް ކުރަނީ" ކަމަށެވެ.
