އެމެރިކާގެ މުންތަޚަބް ރައީސް ޓްރަމްޕްގެ އިންޒާރަކީ އޭނާ ވެރިކަމާ ހަވާލުވެ ވަޑައިގަންނަވާ އިރަށް ޙަމާސްގެ މެހުމާންދާރީގައި ތިބި ޒަޔަނިސްޓު ސެޓްލަރު އަސީރުން ދޫކޮށް ނުލައިފިނަމަ ޣައްޒާ ޖަހަންމައަކަށް ބަދަލުކޮށްލާނެ ކަމުގެ އިންޒާރެވެ.
ޓްރަމްޕު ވެރިކަމާ ހަވާލުވާން 10 ދުވަސް އެބައޮތެވެ. އެކަމަކު އޭނާގެ ގައުމުގެ އެންމެ މުއްސަނދިން ދިރި އުޅޭ އެންމެ ތިޔާގި ސަރަހައްދު ވަނީ، ދުނިޔެ މަތީ ޖަހަންނަމަ އަކަށް ބަދަލު ވެފައެވެ.
ބީޗަށް ވާ ގޮތަށް އައްސޭރިފަށުގައި ހުރި ގެތައްވެސް އަނދައި ހުލިވެގެން ދިޔައީ، ކުރިމަތީގައި އޮތް މޫދުން ފެންޖަހަން މޫދު ލޮނު ލިބެން އޮތްވައެވެ.
އެންމެ ފަހުގެ ޚަބަރުތައް ބުނާ ގޮތުން، ލޮސް އެންޖެލިސް ސަރަހައްދުގައި ހަލުވިކަމާއެކު ފެތުރެމުންދާ އަލިފާންގަނޑުތައް ދަނީ އިތުރު ހިސާބުތަކަށްވެސް ފެތުރެމުންނެވެ. ދުރިހިސާބުތަކުގައި ރޯވަނީ ވަނާއެކު ބުރައިގެންދާ ކަނިތަކުންނެވެ.
އަލިފާން ނިއްވާ މީހުންގެ މަސައްކަތަށް ހުރަސް އެޅިފައި ވަނީ ފެން ލިބުމުގެ ދަތިކަމާ ހެދިއެވެ. ފެން ޖަހަން ބައެއް ހިސާބުތަކުގައި ހޮޅިތަކުން ފެނެއް ނާދެއެވެ. ފެން ފޮދެއް އަންނަ ހިސާބެއް ނަމަ އެތަނެއްގައި ފެނުގައި ޕްރެޝަރެއް ނުހުރެއެވެ.
އިތުރު ސަރަހައްދުތަކަށް އަލިފާންގަނޑު ފެތުރުމުގެ ބިރު ބޮޑުވާއިރު 10 ދުވަސްފަހުން މަގާމާ ހަވާލުވާ ރައީސް ޝަރީއަތުގެ މަޖިލީހުގައި އިނދެގެން މިއަދު، އަޑު އަހަމުންދާނީ ކަސްބީ އަންހެނެއް ކަމަށްވާ ސްޓޯމީ ޑެނިއަލް ރޭޕްކޮށްފައި އޭނާގެ ދޫ ބަންދުކުރުމަށް ރިޝްވަތު ދޭން އުޅުނު މައްސަލާގައި ގާޒީ އިއްވާ ޙުކުމާއި، އޭނާގެ ބޮލުގައި އަޅުވާފައިވާ އިލްޒާމު ތަކެވެ.
ވެރިކަމާ ހަވާލުވާއިރު ޓްރަމްޕް ގެ ސިކުނޑި އޮންނާނީ ޖަހަންނަމައިގެ ހޫނުމިންވަރުގެ ކުޑަމިންވަރަކުން މެލުވިފައި ކަން ޔަގީނެވެ!
