ވިއެޓްނާމްގައި ޓްރެފިކް ގަވާއިދާ ޚިލާފުވާ މީހުން ރިޕޯޓު ކުރުމަކީ ރަނގަޅު އާމްދަނީއެއް ލިބޭ ކަމަކަށް ވެއްޖެއެވެ. ހަތަރު އަނގޮޅިއާއި ކަފިހުރަސްތަކުގައި ޓްރެފިކް ފޮޓޯތައް ނަގަން އެތުރިލައިގެން ތިބުން މިހާރު ވިއެޓްނާމްގައި އާންމު ކަމަކަށް ވެއްޖެއެވެ.
ޓްރެފިކްގެ ގަވާއިދާ ޚިލާފަށް ދުއްވާ މީހުން ޖުރިމާނާ ކުރުމަށް އެހީވެދޭ އާންމުނަށް ކޮންމެ 5 މިލިއަން ޑޮންގް (200 އެމެރިކާ ޑޮލަރު) އާއި ހަމައަށް ފައިސާ ދޭން ނިންމާފައި ވެއެވެ.
މިއީ ގިނަ އަދަދަކަށް ސައިކަލް ދުއްވާ ވިއެޓްނާމްގައި ގަވާއިދާ ޚިލާފްވާ މީހުން ގާނޫނުގެ އިމުގެ ތެރެއަށް ގެނައުމަށް ވިއެޓްނާމުން އެޅި އެންމެ ފަހު ފިޔަވަޅެވެ.
އައު އަހަރު ފެށުމާއެކު، ކަމާބެހޭ ފަރާތްތަކުން ވަނީ ރެޑްލައިޓަށް ނުހުއްޓާ މީހުންނާއި ދުއްވާއިރު މޯބައިލް ފޯނު ބޭނުންކުރާ މީހުން ޖުރިމާނާ ކުރާ އަދަދު ބޮޑު ކޮށްފައެވެ.
އާ ގަވާއިދުގެ ދަށުން ވިއެޓްނާމްގައި ހެއްކާއެކު ޓްރެފިކް ކުށެއް ރިޕޯޓް ކުރާ ކޮންމެ މީހަކަށް މިހާރު ނަގާ ޖޫރިމަނާގެ 10 ޕަސެންޓާ ހަމައަށް، (5 މިލިއަން ޑޮންގް) އާ ހަމައަށް ކަމިޝަނެއް ލިބޭނެއެވެ.
މި މައުލޫމާތާއި ހެކި ފޯރިވައިދޭ މީހާގެ އައިޑެންޓިޓީ ސިއްރު ކުރުން ގާނޫނުގައި ލާޒިމުކޮށްފައި ވެއެވެ.
ވިއެޓްނާމްގައި މަހެއްގެ އެވަރެޖު އާމްދަނީ އުޅޭނީ ގާތްގަނޑަކަށް 7.7 މިލިއަން ޑޮންގް ގައެވެ.
ޓްރެފިކް ލައިޓަށް ހުއްޓާނުލައި ދާ ސައިކެއް ޖުރިމާނާ ކުރުމަށް މިހާރު ނިންމާފައި ވަނީ، 6 މިލިއަން ޑޮންގް އިންނެވެ. މިއީ ކުރިއާ އަޅާބަލާއިރު 6 ގުނަ ބޮޑު އަދަދެކެވެ.
ކާރެއް ޖުރިމާނާ ކުރުމަށް ނިންމާފައި ވަނީ، 20 މިލިއަން ޑޮންގ އިންނެވެ.
ސައިކަލުގެ ފަހަތުގައި އިނދެގެން މޯބައިލް ފޯނު ބޭނުން ކޮށްފިނަމަ ޖޫރިމަނާ ދެގުނަ ބޮޑުކޮށް ޖުރިމާނާ ކުރާނެއެވެ.
ފުލުހުން ބުނާ ގޮތުގައި މިއައު ބަދަލާއެކު ޖުރިމާނާ ކުރާއިރަށް އަދަދު ބޮޑުވެގެން، ދުއްވާ މީހުން ރޮއެ ހޭރެން ފަށައެވެ! 2024 ވަނަ އަހަރު ވިއެޓްނާމްގައި ދުވާލެއްގެ މައްޗަށް އެކްސިޑެންޓްތަކުގައި 30 މީޙުން މަރުވެފައިވެއެވެ.
ވިއެޓްނާމްގެ މަގުތަކުގައި ގާތްގަނޑަކަށް 77 މިލިއަން ސައިކަލާއި 6.3 މިލިއަން ކާރު ހަރަކާތްތެރިވާކަމަށް ރަސްމީ ތަފާސްހިސާބުތަކުން ދައްކަ އެވެ.
