މެންޗެސްޓަރ ޔުނައިޓެޑަށް ކުޅެމުން އަންނަ އާޖެންޓީނާގެ ވިންގަރ އަލެހަންދްރޯ ގާނާޗޯ ގެންދަން ނަޕޯލީއިން މަސައްކަތް ފަށައިފިއެވެ.
އިޓާލިއަން ސިރިއޭގެ ތާވަލުގެ އެއްވަނައިގައި އޮތް ނަޕޯލީއިން 45 މިލިޔަން ޔޫރޯގެ ބިޑެއް ގާނާޗޯއަށް ހުށަހަޅާފައިވާކަމަށް އިޓަލީގެ ބައެއް ނޫސްތަކުން ބުނެއެވެ. އެކަމަކު ގާނާޗޯއަށް މިއަށްވުރެ ބޮޑު އަގެއް ޔުނައިޓެޑުން ބޭނުންވާ ކަމަށް ޚަބަރުތައް ބުނެއެވެ.
ގާނާޗޯ ވަނީ މިސީޒަނުގައި މިހާތަނަށް 30 މެޗް ކުޅެ 8 ލަނޑު ޖަހައި 5 ލަނޑު ޖަހަން އެހީތެރިވެދީފައެވެ. އަދި އާޖެންޓީނާ ގައުމީ ސްކޮޑުގައި މިދިޔަ އަހަރުން ފެށިގެން އޭނާ ހިމެނެއެވެ.
ގާނާޗޯ ގެންދަން ނަޕޯލީއިން މަސައްކަތް ފެށީ އެކްލަބުގެ މުހިއްމު ވިންގަރ ޖޯޖިއާގެ ޚަރަޓްސްޚޭލިޔާ ފްރާންސްގެ މުއްސަނދި ކްލަބު ޕީއެސްޖީއަށް ބަދަލުވާނެކަން ގާތްގަނޑަށް ޔަގީން ވުމުންނެވެ.
