މޫނު މަތީގެ ސިފަތަކާއި، ބޮލުގެ ރިހި ކުލައިގެ ފަން އިސްތަށި ގަނޑަށް ބަލާލުމުން ތަފާތެއް ނުފެނެއެވެ. ޕާކިސްތާންގެ ސަލީމް ބައްގާ ބަލާލުމުން ހީވަނީ ޓްރަމްޕަކީ އޭނާގެ ކޮޕީއެއް ހެންނެވެ.
ސަލީމް ބައްގާ އަކީ ޓްރަމްޕަށް ވުރެން އެތައް އަހަރެއް ހަގު މީހެކެވެ. އޭނާގެ އުމުރުން އަދި އެންމެ 53 އަހަރެވެ.
ސަހީވާލްގެ ބާޒާރުގައި ސަލީމް ބައްގާ ވިއްކާ ކީރު (ޕުޑިން) ވިޔަފާރި ވަނީ ވަރަށް ކާމިޔާބު ވެފައެވެ. މީހުން އޭނާއާއެކު ފޮޓޯއެއް ނަގައިގެން ކީރު ތަށްޓެއް ގަނެގެންވެސް ދެއެވެ.
ޕަންޖާބުގެ ޓައުން ސަހީވާލަކީ، ލާހޯރާއި 180 ކިލޯމީޓަރު ދުރުގައި އޮންނަ ޓައުނެކެވެ.
