އޮޔާދާ ދަގަނޑު ބޮއި ދަގަނޑު ބޮޔެއް އޮޔާދާތީ ކަނޑުދަތުރު ކުރާ ފަރާތްތަކުން އެކަމަށް ސަމާލުވުމަށް އެމްއެންޑީއެފުން މިރޭ އިލްތިމާސްކޮށްފިއެވެ.
އެމްއެންޑީއެފުން މި ކަމަށް އިލްތިމާސް ކޮށްފައިވަނީ އެ އިދާރާއިން އެކްސްގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި އެމްއެންޑީއެފުން ބުނީ އއ. އަތޮޅުގައި އޮންނަ މަޑިވަރު ރިސޯޓްގެ ހުޅަނގު އުތުރުން 3.6 ނޯޓިކަލް މޭލުން އެ ބޮއި އޮޔާދަމުން ދާ ކަމުގެ މައުލޫމާތު އެފަރާތަށް ލިބިފައިވާ ކަމަށެވެ. އަދި އެ ބޮއި އޮޔާދަމުން ދަނީ އިރަށް ކަމަށްވެސް އެމްއެންޑީއެފުން ބުންޏެވެ.
އެހެންކަމުން އެ ސަރަހައްދުން ދަތުރުކުރާ ފަރާތްތަކުން، ހާއްސަކޮށް ރޭގަނޑު އެ ސަރަހައްދުން ދަތުރުކުރާ ފަރާތްތަކުން ދަތުރުކުރުމުގައި ހާއްސަ ސަމާލުކަމެއް ދިނުމަށް ވެސް ވަނީ އިލްތިމާސްކޮށްފައެވެ.
