ސްރީލަންކާގެ އާބާދީއާއެއް ވަރުގެ އަދަދެއްގެ ކުދިން ޕާކިސްތާންގައި ތަޢުލީމުން މަހުރޫމްވެފައި ވެއެވެ. ޕާކިސްތާންގައި 23 މިލިއަނެއް ހައި ކުދިން ސްކޫލު ނިޒާމުން ބޭރުވެފައި ވެއެވެ. މިއަދަދުގެ ދެބައިކުޅަ އެއްބަޔަކީ އަންހެން ކުދިންނެވެ.
ޕާކިސްތާނުގައި ލިޔަންކިޔަން ދަންނަ އަންހެނުންގެ ނިސްބަތަކީ، 49 އިންސައްތައެވެ. އެއާ ޚިލާފަށް ތުރުކީއާއި މެލޭޝިއާގައި ލިޔަން ދަންނަ ނިސްބަތަކީ 90 އިންސައްތައެވެ. އަދި ބަނގްލަދޭޝްގައި 70 އިންސައްތައެވެ.
މިދިޔަ ހަފްތާގައި އިސްލާމްއާބާދުގައި މުސްލިމު ގައުމުތަކުގައި އަންހެނުންގެ ތައުލީމާ ބެހޭ ގޮތުން ވަނީ ބަހުސްކޮށްފައެވެ. މިބަހުސްގައި މުހިންމު ބައިވެރިއަކު ވަނީ ގެއްލިފައެވެ. އެއީ، އަފްޣާނިސްތާނެވެ. އަފްޣާނިސްތާނަކީ އަންހެނުންނަށް ކިޔަވައި ދިނުމުގެ މުހިންމުކަން ދަންނަ ޤައުމެއް ނޫނެވެ.
ޕާކިސްތާންގެ ބޮޑުވަޒީރު ޝެހްބާޒް ޝަރީފް ވަނީ އޭނާގެ ޤައުމުގެ ތަޢުލީމީ ހާލަތުގެ އަފްސޫސް ފަސާނާ އަށްފަހު، "ތައުލީމީ ކުއްލި ނުރައްކަލުގެ ހާލަތު" އިއުލާން ކުރެއްވުމަށް ގޮވާލައްވާފައެވެ. އޭނާގެ ޕާޓީން ވަނީ މީގެކުރިން އެތައް ބުރަކަށް ވެރިކަން ކޮށްފައެވެ.
ޕާކިސްތާނަކީ ތަޢުލީމަށް ހޭދަ ކުރުމުގައި ބަޚީލު ޤައުމެކެވެ. ޕާކިސްތާނުން ތަޢުލީމަށް ހޭދަ ކުރަނީ، ޖީޑީޕީގެ އެންމެ %2.5 އެވެ. މިހިނދު ޔުނެސްކޯއިން ބާރުއަޅަނީ އެންމެ މަދުވެގެން 4 އިންސައްތަ ތަޢުލީމަށް ހޭދަ ކުރާށެވެ.
ޕާކިސްތާންގައި ހުޅަނގުގެ ނަސާރާއިންނާ ދެކޮޅަށް ގިނަ ޝުޢޫރުތައް ފާޅު ކުރެއެވެ. ނަމަވެސް ޑެންމާކް ފަދަ ޤައުމުތަކުން ޕަންޖާބާއި އެހެން ބައެއް ޕްރޮވިންސްގައި ތައުލީމަށް މަސައްކަތް ކޮށްދެއެވެ.
