ޗައިނާ ސަރުކާރުގެ މުހިންމު އިމާރާތްތަކާއި އަސްކަރީ އިމާރާތްތަކާއި މަރުކަޒުތައް ފަދަ ހައްސާސް އިމާރާތްތައް އިމާރާތްކުރުމުގެ މަސައްކަތްތައް ސުޕަވައިޒްކޮށް މެނޭޖްކުރުމުގެ ބާރު ދައުލަތުގެ ސަލާމަތާ ބެހޭ މިސްޓްރީއާ ހަވާލުކޮށްފިއެވެ. މިއީ މިފަދަ ބާރެއް ސްޓޭޓް ސެކިއުރިޓިއާ ބެހެ މިނިސްޓްރީއާ އަލަށް ހަވާލު ކުރި ފުރަތަމަ ފަހަރެވެ.
މި ކަމާ ގުޅޭ ތަފްސީލީ ގަވާއިދުތަކެއް ވެސް ޗައިނާ ކޮމިއުނިސްޓް ޕާޓީން ވަނީ އާންމު ކޮށްފައެވެ.
މިނިސްޓްރީ އޮފް ސްޓޭޓް ސެކިއުރިޓީ އަކީ، ޗައިނާގެ އެންމެ މަތީ ޖާސޫސީ އަދި އިދާރާއެވެ. އަދި ޖާސޫސް ކުރުމާ ދެކޮޅަށް މަސައްކަތް ކުރާ އިދާރާވެސް މެއެވެ. މިފިޔަވަޅާއެކު، މި މިނިސްޓްރީގެ ބާރުތައް ލޯކަލް ސްޓޭޓް ސެކިއުރިޓީ ފޯސްތަކުގެ ބާރާއެކު އިތުރަށް ފުޅާ ވެގެން ދާނެއެވެ.
ޗައިނާ އާއި އެމެރިކާއާ ދެމެދު އުފެދިފައިވާ ނުތަނަވަސްކަން އިތުރުވަމުންދާ ދަނޑިވަޅެއްގައި ބޭރުގެ ޖާސޫސުން ޗައިނާގެ މުހިއްމު މަރުކަޒުތަކާއި އިމާރާތްތަކަށް އަމާޒުކޮށްފައިވާ ކަމަށް ސްޓޭޓް ސެކިއުރިޓީ މިނިސްޓްރީން ވަނީ ފާއިތުވި 18 މަސް ދުވަހުގެ ތެރޭގައި ތަކުރާރުކޮށް އިންޒާރު ދެމުން ގޮސްފަ އެވެ.
