އެމެރިކާގެ މުންތަޚަބް ރައީސް ޑޮނަލްޑް ޓްރަމްޕް ވިދާޅުވަނީ އިޒްރޭލާ ހަމާސްއާ ދެމެދު ހަނގުރާމަ ހުއްޓާލުމަށް ވެފައިވާ އެއްބަސްވުން އޭނާ މަގާމާ ޙަވާލު ވުމުގެ ކުރިން ސޮއި ކުރުމަކީ ވަރަށް މުހިންމު ކަމެއް ކަމަށެވެ.
"އަޅުގަނޑުމެން އެކަން ދިޔަ ގޮތް ބަދަލުކުރީ، އަދި އަޅުގަނޑުމެން އެކަން އަވަހަށް ބަދަލުކުރީ، އަދި ތެދުތެދަށް ބުނާނަމަ އަޅުގަނޑު ހުވާ ކުރުމުގެ ކުރިން އޭގައި ސޮއިކުރުން ބުއްދިވެރި،" ޑޭން ބޮންގީނޯ ގެ ޕޮޑްކާސްޓް އިންޓަވިއުއެއްގައި ޓްރަމްޕް ވިދާޅުވި އެވެ.
ޓްރަމްޕްގެ މި އިންޒާރު އައިސްފައި ވަނީ ހަނގުރާމަ ހުއްޓާލުމަށް ޙަމާސްއިން އެއްބަސްވިފަހުން ނަތަންޔާހޫއަށް ވަޒީރުން ޕްރެޝާ ކުރުމުން ޔަހޫދީ ސްޓައިލްގައި ނަތަންޔާހޫ އޮޅުވާލަން މަސައްކަތް ކުރަން ފެށި ފަހުންނެވެ. ކުރިން އެއްބަސްވުމަށް އާނއެކޭ ބުނެފައި ފަހުން ޙަމާސް ބޮލުއަޅުވާފަ އިޒްރޭލުން އުޅުނީ މި މަޝްވަރާތައްވެސް ނާކާމިޔާބު ކޮށްލާށެވެ. ނަމަވެސް ރޭ ދަންވާން ދިޔައިރު ބުނެފައި ވަނީ ހުކުރު ދުވަހު ޒަޔަނިސްޓުންގެ ކެބިނެޓުން އާނބަސް ބުނާނެ ކަމަށެވެ.
ނަމަވެސް ޓްރަމްޕްގެ އިންޒާރަށްފަހު އިޒްރޭލުން ވަނީ ޤަތަރުގައި ހަނގުރާމަ ހުއްޓާލާ އެއްބަސްވުމުގައި މާލޭ ގަޑިން ފަތިހު 4ގެ ކުރިން ސޮއިކޮށްފައިވާ ކަމަށް ޤަތަރާއި އިޒްރޭލު މީޑިއާއިން ބުނެ އެވެ.
ދޯހާގައި މި މަޝްވަރާތައް ކުރިއަށް ގެންދިޔައީ ޤަތަރު މެދުވެރިވެގެންނެވެ.
މި އެއްބަސްވުން ބުދަ ދުވަހު އިއުލާން ކުރި ނަމަވެސް، ގައިދީންގެ މައްސަލާގައި ހަމާސްއިން ހުށަހަޅާ ގޮތާ ނަތަންޔާހޫ ދެކޮޅު ހެދުމުން އެއްބަސްވުމަށް ހުރސް އެޅުނީއެވެ.
ފަހުން ޓްރަމްޕްގެ ފިއްތުމާއެކު އިޒްރޭލުގެ ކެބިނެޓުން މިއެއްބަސްވުމަށް ރުހުން ދިނުމުގެ ކުރިން އިޒްރޭލުގެ ވަފްދުން ވަނީ އެއްބަސްވުމުގައި ސޮއިކޮށްފައެވެ. އިޒްރޭލު މަސްއޫލުވެރިން ބުނަނީ ކެބިނެޓުން މިއަދު ނޫނީ ހޮނިހިރު ދުވަހު ބައްދަލުކޮށް، އެއްބަސްވުމަށް ވޯޓު ދޭނެ ކަމަށެވެ.
މިނިވަންކުރާ ފަލަސްޠީނުގެ އަސީރުންގެ ލިސްޓެއް އިޒްރޭލުން އާންމު ކުރާނީ އެއަށްފަހު ކަމަށް ޔަހޫދީ މަސްއޫލު ފަރާތްތަކުން ބުނެއެވެ. އަދި މިކަން އިތުރަށް އުދަގޫކޮށް، އެއްބަސްވުން ވަޅު ޖައްސާލުމަށްވެސް އިޒްރޭލުން ބައެއް ކަންކަން ރާވައި ވިސްނާފައި ވެއެވެ. އެގޮތުން އިޒްރޭލު ސަރުކާރުން މިނިވަން ކުރާ ވަގަށް ނަގާފައިވާ ފަލަސްޠީނު މީހުންގެ ލިސްޓު އާންމު ކުރާތާ 48 ގަޑިއިރު ތެރޭގައި ގައިދީންގެ ނަންތަކާ މެދު ސުޕްރީމް ކޯޓަށް މައްސަލަ ހުށަހެޅޭނެއެވެ.
މިހާރު ފާސްކޮށްފައިވާ ގޮތުންނަމަ މިއެއްބަސްވުމަށް އަމަލުކުރަން ފަށަން ޖެހޭނީ އާދީއްތަ ދުވަހުގެ މެންދުރު 12:15 ންފެށިގެންނެވެ.
އެހިނދު، ހަނގުރާމައިގެ އަސީރުންގެ ތެރޭން 3 ޒަޔަނިސްޓުން ދޫކޮށްލަން ޖެހެއެވެ. އެކަން ވާނެ ކަމަށް ބެލެވެނީ ހޯމަ ދުވަހުއެވެ. އޭރުންވެސް ޓްރަމްޕް ބުނެފައިވާ ގޮތަށް އޭނާ ހުވައި ކުރުމުގެ ކުރިން ހަނގުރާމައިގެ ހުރައި ޔަހޫދު އަސީރުން މިނިވަނެއް ނުވާނެ އެވެ. އެންމެ ގިނަވެގެންވެސް މިނިވަން ވާނީ 3 މީޙުންނެވެ.
ބެލެވޭ ގޮތުގައި، ޒަޔަނިސްޓުންގެ އެންމެ ހަރުކަށި ކަނާތު ފިޔާގެ ވަޒީރުން ކަމަށްވާ މާލީ ވަޒީރު ބެޒާލެލް ސްމޮޓްރިޗް އާއި ފުލުހުންގެ ތާކިހާ ވަޒީރު އިޓަމާ ބެން ގްވީރާއި ބޭރުގައި ތިބޭ ޔަހޫދުންގެ ވަޒީރު ވޯޓު ދޭނީ މި އެއްބަސްވުމާ ދެކޮޅަށެވެ. ނަމަވެސް އެއްބަސްވުން ފާސްވާ ވަރަށް ވޯޓު ހަމަވާނެ ކަމަށް އިޒްރޭލު މީޑިއާއިން ބުނެއެވެ.
ސްމޮރިޗް ރުއްސަން ނަތަންޔާހޫގެ ލިކޫދު ޕާޓީން އިއްޔެ ނެރުނު ބަޔާންގައި ބުނެފައި ވަނީ ފުރަތަމަ މަރުހަލާ ތަންފީޒުކޮށް ނިމުމުން އިޒްރޭލުން ބޭނުންނަމަ ހަނގުރާމަ ކުރަން އެމެރިކާއިން މިހާރު ރުހުން ދީފައިވާ ކަމަށެވެ.
ހަނގުރާމަ ހުއްޓާލުމަށް ޔަހޫދުން ސޮއިކުރިނަމަވެސް ޒަޔަނިސްޓު ޔަހޫދުންގެ ބަހުގެ އިތުބާރާ މެދު ޝައްކުގެ ނަޒަރަކުން ބަލަން ވާނެއެވެ.
