ބޮލީވުޑުގެ މަޝްހޫރު އެކްޓަރ ސައިފް އަލީ ޚާނަށް ހަމަލާދިނީ ބަންގްލަދޭޝްއަށް ނިސްބަތްވާ މީހެއް ކަމަށް މުމްބާއީ ފުލުހުން ބުނެފިއެވެ.
ސައިފަށް ހަމަލާދިން ކަމަށް ޝައްކު ކުރެވޭ މީހާ މުމްބާއީ ފުލުހުންގެ ބެލުމުގައި ދަށުގައި ހުރިއިރު، މިއަދު މީޑިޔާއަށް ދިން މައުލޫމާތުގައި މުމްބާއީ ފުލުހުން ބުނީ ބަންގްލަދޭޝްގެ މި މީހާ އިންޑިޔާއަށް އެތެރެވުމަށްފަހު ނަން ބަދަލުކޮށްފައިވާ ކަމަށެވެ. ބަންގްލަަދޭޝްގެ މި މީހާގެ އަސްލު ނަމަކީ މުހައްމަދު ޝަރިފުލް އިސްލާމް ޝެހްޒާދުކަމަށް މުމްބާއީ ފުލުހުން ބުނެއެވެ. އިންޑިޔާގައި އޭނާ އުޅެމުން ދަނީ ވިޖޭ ޑަސްގެ ނަމުގައެވެ.
"އޭނާ އިންޑިޔާއަށް އެތެރެވީ މީގެ ހައެއްކަ މަސް ކުރިން. އެއަށްފަހު މުމްބާއީއަށް އިސް އޭނާ މަސައްކަތް ކުރަމުން ދަނީ ހައުސްކީޕިންގ އެޖެންސީއެއްގައި. ސައިފް ދިރިއުޅޭ އެޕާޓްމަންޓަށް އޭނާ ވަނީ ވައްކަން ކުރުމުގެ މަގްސަދުގައި. މުމްބާއީ ޕޮލިހުން މިދަނީ މި މައްސަލަ އިތުރަށް ތަހްގީގު ކުރަމުން" މީޑިޔާތަކަށް މުމްބާއީ ޕޮލިހުން ދިން މައުލޫމާތުގައި ބުންޏެވެ.
ވަގުކަލޭގެ ވަނީ ސައިފު ގަޔަށް 6 ފަހަރަށް ވަޅި ޖަހާފައެވެ. މީގެ ތެރެއިން އެއްހަމަލާ އަމާޒުވީ ސައިފުގެ ސްޕައިނަލް ކޯޑު ކައިރިއަށް ކަމަށް ރިޕޯޓުތައް ބުނެއެވެ. ޒަޚަމްތަކުގެ ސަބަބުން އިމަޖެންސީގައި ސައިފް އޮޕަރޭޝަން ކުރަން ޖެހުނެވެ. މިހާރު ސައިފުގެ ހާލު މަޑުމަޑުން ރަނގަޅުވަމުން އަންނަ ކަމަށް ޚަބަރުތައް ބުނެއެވެ.
