ދެކުނު ކޮރެއާގެ މައުޒޫލު ރައީސް ޔޫން ސުކް ޔެއޯލް ވަނީ ސޯލް ޑިޓެންޝަން ސެންޓަރު ޖަލުގައި ބަންދުކޮށްފައެވެ. ދެކުނު ކޮރެއާގެ ޖަސްޓިސް މިނިސްޓްރީން ބުނި ގޮތުގައި ކޮރަޕްޝަން އިންވެސްޓިގޭޝަން އޮފީސް ފޯ ހައި ރޭންކިން އޮފިޝަލްސް (ސީއައިއޯ) އިން ރައީސް ޔޫން ހައްޔަރުކުރުމުން، އޭނާ ދެން ތުރު ކުރައްވަން ޖެހޭނީ ޖަލު ޔުނިފޯމެވެ. އެއީ މޭމަތީގައި ނަންބަރު ޖަހާފައިވާ ފެހި ކުލައިގެ ޔުނީފޯމެކެވެ.
ރައީސް ޔޫން ވަނީ، އެހެން ގައިދީންނެކޭ އެއްފަދައިން އޭނާ ޖިސްމާނީ ތަހުލީލެއް ހަދައި، ޖަލު ހެދުމުގައި މަގްޝޮޓްތައް ނަގާފައެވެ.
ނަމަވެސް ރައީސް ޔޫން ތަހުގީގުގައި ސުވާލުކުރުމަށް ސީއައިއޯއަށް ގެންދާއިރު، ނުވަތަ ޝަރީއަތްތަށް ކޯޓަށް ގެންދާއިރު ޖަލު ޔުނީފޯމްގައި ގެންދާނެ ކަމަށް ނުބެލެވެއެވެ.
ދެކުނު ކޮރެއާއަކީ އާދަވެގެން ރައީސުން ހައްޔަރާ ގައުމެކެވެ. ކުރީގެ ރައީސް ޕާކް ގޭން ހައި އާއި ރައީސް ލީ މިޔުންގް ބަކް ޖަލުން ކޯޓަށް ގެންގޮސްފައި ވަނީ ޖަލު ޔުނިފޯމަކު ނޫނެވެ.
