ދެކުނު ކޮރެއާގެ މައުޒޫލު ރައީސް ޔޫން ސުކް ޔެއޯލް ރަސްމީކޮށް ހައްޔަރުކުރުމުން އޭނާގެ ސަޕޯޓަރުން ނިކުމެ، މުޒާހަރާކޮށް، ކޯޓުގެ ބިއްރޫތިތައް ތަޅާލައިފިއެވެ. ދެކުނު ކޮރެއާގެ ވަގުތީ ރައީސް، ޗޮއި ސަންގް މޮކް ވަނީ "ގާނޫނާ ޚިލާފު އަނިޔާވެރި ހާދިސާ" ގެ ފުރިހަމަ ތަހުގީގެއް ހިންގުމަށް ފުލުހުންނަށް އަމުރު ކުރައްވާފައެވެ.
ކޮރެއާގެ ބަންޑާރަ ނާއިބް ވަނީ "ޝަރުއީ ނިޒާމުގެ ހުރުމަތް ކަނޑާލުމުގެ ބޮޑު ޖަރީމާ" ބެލުމަށް ޓާސްކް ފޯހެއް އުފައްދާފަ އެވެ.
މައުޒޫލު ރައީސް 3 ޑިސެމްބަރު 2024ގައި އުމުރު ކުރު ސިފައިންގެ ވެރިކަމެއް އިއުލާންކުރައްވައި ކުއްލި ހާލަތު އިއުލާން ކުރެއްވުމާ ގުޅިގެން އޭނާ ހައްޔަރު ކުރުމަށް ސޯލްގެ ކޯޓުން އަމުރު ކުރުމުން، މައުޒޫލަށް ސަޕޯޓުކުރާ މީހުން ކޯޓަށް ވަދެ ހަމަނުޖެހުން ހިންގާލީއެވެ. މިމީހުން ކޯޓަށް ވަނީ ބަންދު އަމުރު ނެރުނުތާ އިރުކޮޅެއްގެ ތެރޭގައި ދަންވަރު 3 ޖަހާ އެކަންހާއިރު އެވެ.
މުޒާހަރާ ކުރި މީހުން ވަނީ ކޯޓުގެ ކުޑަދޮރާއި ދޮރުތައް ތަޅާލައި އަލިފާން ނިއްވާ އާލާތްތައް އުކާލައި ކޯޓަށް ބޮޑެތި ގެއްލުންތަކެއް ދީފަ އެވެ.
