ޝާހު ރުކުޚާނަށް ތާއީދު ކުރާ ފަރާތްތަކުން އޭނާ، ސަލްމާން ޚާނާ މެދު ދެކެނީ ކިހިނެއްތޯ ސުވާލުކުރުމުން، ހިތްތައް އުފަލުން ފުރޭވަރުގެ ޖަވާބެއް ދީފިއެވެ. ހިނުތުން ވުމާއެކު ޝާޚު ރުކު ބުނީ "އޭޒް އޯލްވޭޒް ބައީ ތޯ ބާއީ ހެއި" އެވެ. ޝާޚުރުކު ޚާން އަކީ ޖަވާބު ދާރީ ވުމުގައި ވަރަށް ފުރިހަމަ އުސޫލެއް ގެންގުޅޭ އޭނާ އަށް ތާއީދު ކުރާ މީހުންގެ ހިތްތަކުގެ "ރަސްގެފާނެވެ." އޭނާ ސަޕޯޓަރުންނަށް ދިން މި ހިތްގައިމު ޖަވާބުން އަނެއްކާވެސް މިކަން ސާބިތު ކޮށްދީފިއެވެ.
ޝާޚުރުކު ޚާނާއި ސަލްމާން ޚާން އެކުގައި ކުޅެފައިވާ ފިލްމުތަކުގެ ތެރޭގައި ކަރަން އަރުޖުން ކުޗު ކުޗު ހޯތާހޭ ފަދަ މަޝްޙޫރު ފިލްމުތައް ހިމެނެއެވެ. މި ދެތަރިންނަކީ ކެމެރާގެ ފުރަގަހުގައި ވެސް ގުޅުން އޮންނަ ދެ ތަރިންނެވެ. އެ ގޮތުން މިހާރު ބެލުން ތެރިން އިންތިޒާރު ކުރަމުންދާ ޝާޚުރުކުގެ ޕަތަން އިން ޚާއްޞަ މެހުމާނެއްގެ ގޮތުގައި ސަލްމާން ފެނިގެން ދާނެއެވެ. މިއީ ވަރަށް މޮޅު އެކްޝަން ތަކާއި މޮޅު ސްޓަންޓް ތައް ހިމެނޭ ފިލްމެއް ކަމަށް ޚަބަރުތައް ބުނެއެވެ.
"ޕަތަން" ގެ މުހިއްމު ތަރިންގެ ތެރޭގައި ޝާޚުރުކު ޚާންގެ އިތުރުން ދިޕިކާ ޕަދުކޯން އަދި ޖޯން އަބުރަހަމް ހިމެނެއެވެ.
ސަލްމާން ޚާންގެ އެންމެ އަވަހަށް، ދެން ފެންނާނެ ފިލްމެއް ކަމަށް ޚަބަރުތަކުގައި ވަނީ ޕްރަބޫ ދޭވާ ޑަރެކްޓްކުރާ "ރާދޭ" އެވެ. މި ފިލްމު ބޮޑު ސްކްރީންތަކުގައި އަޅުވާނެ ތާރީޚެއް ކަމުގައި ވަނީ ފިޠުރު ޢީދުގެ ހަފުތާ ބަންދު ދުވަސް ތަކެވެ. މި އީ ކޮރެއާ ފިލްމު "އައުޓްލޯސް" އަސްލަކަށް ބަލައިގެން ތައްޔާރު ކޮށްފައިވާ ފިލްމެކެވެ.
މި ފިލްމަކީ ސަލްމާން ޚާނާއި އޭނާގެ ދެ ކޮއްކޮ އަރުބާޒް އަދި ސޮހެއިލް ޚާން ގެ އިތުރުން ޅިޔަނު އަތުލް އަގުނި ހޯތުރީ އުފައްދާ ފިލްމެކެވެ. މި ފިލްމުގައި ދިޝާ ޕަޓާނީ، ޖެކީސް ރޮފް، ގޯތަމް ގުލާތީ އަދި ރަންދީޕް ހޫޑާ ގެ އިތުރުން މެގާ އާކާޝް މުހިއްމު ރޯލުތަކުން ފެނިގެން ދާނެއެވެ.
