އެޑޯބް ކުންފުނީގެ ސޮފްޓްވެއަރތަކާއި ޕީޑީއެފް އުފައްދައިދިނުމުގައި ބައިވެރިވި، ޗާލްސް ޗަކް ގެޝްކީ އުމުރުން 81 އަހަރުގައި ނިޔާވެއްޖެއެވެ. އޭނާ ދިރިއުޅުއްވީ ސެންފްރެސްސިސްކޯ އޭރިއާގައެވެ.
އެޑޯބް ކުންފުނީގެ ސީއީއޯ ޝާންޓޫ ނަރަޔާނަން މުވައްޒަފުންނަށް ފޮނުއްވި އީމެއިލްއެއްގައި ވިދާޅުވީ، ޗަކްއައި ޖޯން ވާރނުކް ބައިވެރިވެގެން އެޑޯބް ކުންފުނި އުފައްދައި އެ ކުންފުނިން އެބޭފުޅުން އެންމެ ފުރަތަމަ އުފެއްދީ އެޑޯބް ޕޯސްޓް ސްކްރިޕްޓް ކަމަށެވެ. މިއިން ޑެސްކްޓޮޕް ޕަބްލިޝިންއަށް އިންގިލާބެއް ގެނައި ކަމަށެވެ.
ފަހުން ޗަކް ވަނީ، އެޑޯބް ޕީޑީއެފްއާއި އިލަސްޓްރޭޓަރ އާއި ފޮޓޯޝޮޕް އަދި އެޑޯބް ޕްރީމިއަރ އީޖާދުކުރައްވައި މުވާސަލާތާއި މައްލޫމާތު އުފެއްދުމުގައި އިންގިލާބެއް ގެނެސްދެއްވާފައެވެ.
