އިންޑިއާ ސަރުކާރުން ވެކްސިން އުފައްދާ ކުންފުނިތަކަށް 4.5 ބިލިއަން ރުޕީސް ދޭން ނިންމައިފިއެވެ. މި ފައިސާއަކީ ސެރަމް އިންސްޓިއުޓް އޮފް އިންޑިއާއާއި ބާރަތު ބައޯޓެކްއަށް ކުރިމަގުގައި ވެކްސިން ސަޕްލައި ކޮށްދޭ މަތިން އެޑްވާންސްކޮށް ދޭ ފައިސާއެވެ.
އިންޑިއާގެ ފައިނޭންސް މިނިސްޓްރީން ވަނީ ކޮލޭޓަރަލްއެއް ނުވަތަ ގެރެންޓީއެއް ނެތި ފައިސާ ދޭން ނިންމާފައެވެ.
އިންޑިއާގެ ބޮޑު ވަޒީރު ނަރެންދްރަ މޮދީ ވަނީ އުމުރުން 18 އަހަރުންގެ މަތީގެ އެންމެނަށް މެއި 1ން ފެށިގެން ވެކްސިން ޖަހައި ދިނުމަށް ނިންމަވާފައެވެ، އަދި އޭނާ ވަނީ ވެކްސިން އުފައްދާ ފަރާތްތަކަށް އިންޑިއާ ސަރުކާރުން އެހީތެރިވެ ދޭނެ ކަމަށްވެސް ޔަގީންކަން ދެއްވާފައެވެ.
ސެރަމް އިންސްޓިއުޓް އޮފް އިންޑިއާއިން ބުޏާ ގޮތުން އެފަރާތަށް ވެކްސިން އުފެއްދުމުގައި ލަސްތަކެއް ދިމާވެގެން އުޅެނީ އެމެރިކާއިން ވެކްސިންއަށް ބޭނުންވާ ރޯމެޓީރިއަލް ބޭރުކުރުމަށް ހުރަސްތަކެއް ކުރިމަތި ކުރުމުންނެވެ.
އިންޑިއާއިން ވަގުތީ ގޮތުން ވެކްސިން ބޭރުކުރުން ހުއްޓާލައި ރައްޔިތުންނަށް ވެކްސިން ދިނުމުގެ ޕްރޮގްރާމ ބާރަށް ކުރިއަށް ގެންދިއުމަށް ނިންމިއެވެ.
