އިންޑިއާއިން މިއަހަރު، 400 ބިލިއަން ޑޮލަރުގެ މުދާ އެކްސްޕޯޓް ކުރުމަށް އަމާޒު ހިފައިފިއެވެ. އިންޑިއާގެ ކޮމާސް އެންޑް އިންޑަސްޓްރީޒް މިނިސްޓަރ ޕިޔޫޝް ގޯޔަލް ވަނީ އިންޑިއާއިން މުދާ އެކްސްޕޯޓް ކުރާ ފަރާތްތަކާއެކު މަޝްވަރާތައް ބާއްވަވާފައެވެ.
އެކްސްޕޯޓް ޕްރޮމޯޝަން ކައުންސިލްގައި ވާހަކަ ދައްކަވަމުން އޭނާ ވިދާޅުވީ، އިތުރު ފުރުސަތުތައް ހޯދައި އިންޑިއާގެ އެކްސްޕޯޓް އަދަދު މިދިޔަ އަހަރަށް ވުރެން ރަނގަޅު ކުރުމަށް ސަރުކާރުން ހިތްވަރު ދޭން ބޭނުންވާ ކަމަށެވެ.
ކޮވިޑްގެ ފުރަ ބަންދާއެކު 20/21 ގައި އިންޑިއާ އިން އެކްސްޕޯޓް ކޮށްފައި ވަނީ 290 ބިލިއަން ޑޮލަރުގެ މުދަލެވެ. މިއީ ކުރީ އަހަރާ އަޅާ ބަލާއިރު ހަތެއް އިންސައްތަ ދަށް އަދަދެކެވެ.
އެކްސްޕޯޓް ދަށަށް ދިއުމުގައި ފުރަބަންދާއި ލޭބަރ މައްސަލަތައް ދިމާވުމާއި، އޯޑަރު ކެންސަލް ކުރުމުގެ މައްސަލަތައް އިންޑިއާއަށް މިދިޔަ އަހަރު ދިމާވިއެވެ.
