ޕާކިސްތާންގެ ކުއެޓާގައި ހޮޓކަށް ބޮމުގެ ހަމަލާ ދީފައި ވަނީ އަފްޣާނިސްތާން މީހެއްކަމަށް ޕާކިސްތާންގެ ކައުންޓަރ ޓެރަރިޒަމް ޑިޕާޓްމަންޓް އިން ބުނެފިއެވެ. ސީޓީޑީން ބުނިގޮތުގައި ޗައިނާ އެމްބެސެޑަރ ވަޑައިގެން އުޅުއްވި ސެރީނާ ހޮޓެލަށް ބޮމުގެ ހަމަލަ ދޭން ބައިވެރިވީ ދެމީހެކެވެ. މި ދެމީހުންވެސް އެތެރެވީ އަފްޣާނިސްތާނުންނެވެ.
ސީޓީޑީން ބުނިގޮތުގައި މިއިން އެކެއްގެ އިނގިލީގެ ނިޝާންތައް ވަނީ ހޯދައި ގެންފައެވެ. ނަމަވެސް މިއީ ކުރިން އެމީހުންގެ ޑޭޓާބޭސްގައި ލިސްޓްވެފައިވާ ބަޔެއް ނޫން ކަމަށެވެ.
މި ހަމަލާއަށް ޒިންމާ އުފުލާފައިވަނީ ތަހްރީކޭ ތާލިބާނޭ ޕާކިސްތާނުންނެވެ.
ޓީސީޑީން ބުނާ ގޮތުގައި ތަހްރީކޭ ތާލިބާނުން ވަނީ ޕާކިސްތާންގެ ބައެއް ސިޔާސީ ލީޑަރުންނާއި ވިޔަފާރިވެރިން ވަގަށް ނެގުމަށް ރާވާފައެވެ.
ފުލުހުން ބުނިގޮތުގައި މި ކަމުގައި އިތުރަށް ހޯދަންވާ ކަންކަން ދަނީ ހޯދަމުންނެވެ.
ކުއެޓާ ހޮޓެލްގެ ޕާކިންގ ލޮޓްގައި ބާއްވައިގެން އުޅަނދެއް ގޮއްވާލުމުން ހަތަރު މީހުން މަރުވެ 12 މީހަކު ޒަޚަމް ވެފައި ވެއެވެ.
