ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ ވެރިކަމުގައި އެއިރުގެ އިދިކޮޅު ފަރާތްތަކުން ބާއްވަމުން ގެންދިޔަ މުޒާހަރާތަކުގައި ޑީއާރްޕީގެ ލީޑަރު ތަމްސީމު ޢަލީ ރައީސް ނަޝީދަށް ވެލިކާން ދޭނަމޭ ބުނެ ވާހަކަ ދައްކާފައިވާ ވީޑިއޯ މީސްމީޑިއާގައި ވައިރަލް ވެއްޖެއެވެ. މި ވީޑިއޯއަކީ، ދިވެހިން ޓުއިޓާގައި ފަލަސްތީނަށް ތާއީދުކޮށް ޓުއީޓް ކުރުމުން އެކަމާ ދެކޮޅަށް މީހަކު ކުރި ޓުއީޓަކާ ގުޅިގެން ދިވެހިން އެކަތިގަނޑަކަށްވެ ނިކުތުމުން ރައްދުގައި ކޮށްފައިވާ މީސްމީޑިއާ އެކްޓިވިސްޓް ޝުމްބާ ގޮންގގެ ޓުއީޓްގައި އޮތް ވީޑިއޯއެކެވެ.
މިއިން ހަނދާނަށް އަންނަނީ، މިހާރު އެމްޑީޕީއާ ގުޅިފައިވާ ބައެއް މީހުން އެމްޑީޕީގެ ސަރުކާރު ވައްޓާލުމަށް އެއިރު ހިންގާފައިވާ ހަރަކާތާއި ލަވާފައިވާ ހަޅޭކެވެ.
ތަސްމީން އަލީގެ އަނބި ކަނބަލުން ކުރިން ޑީއާރްޕީން ހޮވިފައިވާ މަޑުއްވަރީ ދާއިރާގެ މެމްބަރު ވިސާމާ އަލީ އަކީ މި ސަރުކާރުގެ މެލޭޝިއާއަށް ފޮނުވާފައި ހުންނަ ސަފީރެވެ.
