މުލަކަތޮޅު މުލިން ފުރަތަމަ ފަހަރަށް ކޮވިޑް 19 އަށް މީހަކު ފައްސި ވެއްޖެއެވެ. މިއަދު ފައްސިވި މި މީހާ އަކީ މުލީގައި މަސްކަތް ކަތްކުރާ ބަނގުލަދޭޝްގެ ޒުވާނެކެވެ.
އޭނާ ފައްސިވިކަން އެނުގުނީ ބަލިވެގެން ހޮސްޕިޓަލުގައި އެޑޮމިޓް ކުރުމަށް ފަހު ކޮވިޑް 19 ގެ ޢާލާމާތްތައް ފެންނަން ފެށުމުން ސާމްޕަލް ނަގާ ހެދި ޓެސްޓުން ކަމަށް މުލީ ކައުންސިލްގެ ފޯލްކަލް ޕޮއިންޓުން ހާމަކުރެއްވިއެވެ. މީނާ ފައްސިވިކަން އެނގުނީ މިއަދު ހަވީރުގެ ވަގުތެއްގައެވެ. މި އީ ފާއިތުވި ކުރު މުއްދަތުގައި މާލެ، ނޫނީ ކޮވިޑް ފެތުރިފައިވާ ރަށަކަށް ދަތުރުކޮށްފައިވާ މީހެއްނޫނެވެ.
އެހެންކަމުން މިހާރު އެ ރަށް މޮނީޓަރިން ނަށް ލުމަށްފަހު ކޮންޓެކްޓް ޓްރޭސިން ހަދަމުންދާ ކަމަށް މުލީ ކައުންސިލުން މައުލޫމާތު ދެއްވިއެވެ.
އަދި ރަށުގެ ކެފޭތަކާއި ހޮޓާތައްވަނީ މިއަދުން ފެށިގެން ބަންދު ކޮށްފައެވެ. ހަމަ އެހެންމެ ބޭރަށް ނުކުމެ އުޅުން ވެސް މަޑު ޖައްސާލުމަށް އަންގާފައި ވެއެވެ. އެގޮތުން ޒަރޫރީ ބޭނުމަށް ކޮންމެ ގެއަކުން ވެސް އެކަކަށް ނުކުމެވޭނޭ ގޮތަށް އަންގަވައިފައިވެއެވެ. ފިހާރަތަކަށް ގޮސް ވިޔަފާރި ކުރުމުގެ ބަދަލުގައި ޑެލިވަރީގެ ޚިދުމަތް ބޭނުން ކުރުމަށް ވެސް ވަނީ އަންގައިފައެވެ.
މުއްޔަކީ މެދުރާއްޖެތެރޭގެ ގިނަ ރަށްރަށުން ބޭސްފަރުވާ ހޯދާ ރަށަކަށް ވުމާއެކު މިހާރުވެސް ހޮސްޕިޓަލުގައި އެޑްމިޓްކޮށްފައި އެކި ރަށްރަށުގެ ބަލިމީހުން އެބަ ތިއްބެވެ.
މުލި މޮނީޓަރިންނަށް ލުމާއެކު މިހާރު ރާއްޖޭގައި ކޮވިޑް ފެތުރިފައިވާ ރަށްރަށުގެ އަދަދު 65 އެރީއެވެ.
