އަރުޖުން ކަޕޫރުގެ ބައްޕަ ބޯނީ ކަޕޫރު އަރުޖުންގެ މަންމަ ދޫކޮށް ސްރީދޭވީ އާ ގުޅުމަކީ ރަނގަޅު ކަމެއް ނޫން ކަމަށާއި ނަމަވެސް އެ ހާލަތު އޭނާއަށް ޤަބޫލު ކުރެވޭ ކަމަށް ބޮލީވުޑްގެ ތަރި އަރުޖުން ކަޕޫރު ބުނެފިއެވެ. ޓީވީ އަށް ދިން އިންޓަވިއުއެއްގައި އަރުޖުން ކަޕޫރު ބުނީ
އޭނާގެ ބައްޕަ ސްރީދޭވީ ދެކެ ލޯބިވާން ދިމާވި ސަބަބު ޤަބޫލު ކުރެވޭ ކަމަށެވެ. ނަމަވެސް އޭނާގެ އާއިލާއަށް އެދުވަސްވަރު ދިމާވި ޙާލަތަކީ ރަނގަޅު ގޮތެކޭ ނުބުނެވޭނެއެވެ. އެހެނަސް 2018 ގައި ސްރީދޭވީ މަރުވުމާ ގުޅިގެން އަރުޖުން އޭނާގެ ބައްޕައާ ގުޅުން ބަދަހިކުރިއެވެ. އަދި ސްރީ ދޭވީ އާއި ބޯނީ ކަޕޫރަށް ލިބިފައިވާ ދެކުދިން ކަމަށްވާ ހުޝީ އާއި ޖާންވީ ކަޕޫރާވެސް ގުޅުނެވެ. އަރުޖުން ބުނީ އެހާލަތުގައި އޭނާގެ މަންމަގެ ނަސޭހަތް ހިތަށް ވަނެވެ. ބައްޕަ އަލުން އެހެން މީހަކު ދެކެ ލޯބިވި ވުމަށް އިހުތިރާމް ކުރާ ކަމަށް ވެސް އޭނާ ބުނެފައިވެއެވެ. ލޯތްބަކީ ވަރަށް ހައްސާސީ ކަމެކެވެ.
މީހަކަށް ލޯބި ވެވޭނީ އެއްފަހަރުއޭ ބުނެ ގަބޫލު ކުރުމަކީ 2021 ގައި ބޮލީވްޑް ފިލްމުގެ ޑައިލޮގެއް ކަހަލަ އެއްޗެއް ކަމަށް އަރުޖުން ކަޕޫރު ބުންޏެވެ. އަރުޖުން ދެކޭ ގޮތުގައި ލޯތްބަކީ ހަމަ އެކަނި އަނެކާ ދެކެ ވާއެއްޗެއް ނޫނެވެ. ބައެއް ފަހަރު އެއީ ތިމާއަށް ލިބޭ އެއްޗެކެވެ. އަނެއްބައި ފަހަރު ދެފަރާތުން ވެސް ވެވޭ އިހުސާސެކެވެ. ލޯތްބަކީ ރައްޓެހި ރަހުމަތްތެރި ކަމެކެވެ. ބައެއް ފަހަރު ލޯބީގައި ގޮތް ހުސްވެއެވެ. އަނެއްބައި ފަހަރު އުފަލާއި ހިތްހަމަޖެހުން ލިބެއެވެ.
އަރުޖުން ކަޕޫރުގެ އަމިއްލަ ތަޖުރިބާ އަށް ބަލާ އޭނަ ބުނާ ގޮތުގައި އޭނަގެ ގުޅުން ތަކަކީ ބައެއްފަހަރު އުފާވެރި އަދި އަނެއްބައިފަހަރު ދެރަވާ ގުޅުން ތަކެކެވެ. އަދިވެސް އަރުޖުން ބުނި ގޮތުގައި އޭނާގެ މައިން ބަފައިންގެ ޒަވާޖީ ޙަޔާތުގައި ދިމާވި ކަންތައް ތަކުގެ ތެރެއިން އާއިލާ ރޫޅެން ދިމާވި ސަބަބު އޭނާ އަށް އިހުސާސް ކުރެވެއެވެ.
މަންމަ އަބަދުވެސް ބުނަނީ ރަނގަޅު ދަރިއަކަށް ވާށެވެ. އެހެން ކަމުން މަންމަގެ ނަސޭހަތް އަބަދުވެސް ހަދާން ބަހައްޓާ ކަމަށް ވެސް އޭނާ ބުންޏެވެ.
އަރުޖުން ކަޕޫރުގެ އެންމެ ފަހުގެ ފިލްމު ތަކުގެ ތެރޭގައި ނެޓް ފްލިކްސްގެ ފިލްމް "ސަރުދާރުކާ ގްރޭންޑް ސަން" އަދި އެމޭޒަން ޕްރައިމް ވީޑިއޯގެ "ސަންދީޕް އައުރު ޕިންކީ ފަރާރް" ހިމެނެއެވެ.
