ޒަހަމްތަކަކާއެކު ހުޅުމާލޭގެ މަގު މައްޗަށް ވެއްޓިފައި އޮތް މީހަކު އައިޖިއެމްއެޗް އަށް ގެންގޮސް ފަރުވާދޭން ފަށައިފިއެވެ.
ފުލުހުން ބުނީ ހުޅުމާލޭ ނިރޮޅު މަގުގެ 6 ނަންބަރު ގޯޅީގައި ޒަހަމްތަކާއެކު މީހަކު ވެއްޓިފައި އޮތްކަމުގެ މައުލޫމާތު ބުރާސްފަތި ދުވަހުގެރޭ 03:00 ހާއިރު ލިބިފައިވާކަމަށެވެ. އަދި ވެއްޓިފައިވަނީ 21 އަހަރުގެ ދިވެހި ފިރިހެނެއް ކަމަށް ވެސް ފުލުހުން ބުނެއެވެ.
އެމީހާ ހޮސްޕިޓަލަށް ގެންދިޔައިރު އެއްވެސް ހޭވެރިކަމެއް ނެތްކަމަށާއި މި މައްސަލަ މިހާރު ތަހުގީގުކުރަމުން އަންނަ ކަމަށްވެސް ފުލުހުން ވަނީ ބުނެފައެވެ.
