އިމާރާތަކުން ދެމީހަކު ވެއްޓުމުގެ ދެ ހާދިސާއެއް ގާތްގާތުގައި ހިގައިފިއެވެ. މީގެތެރެއިން ފުރަތަމަ ހާދިސާ ހިނގާފައިވަނީ ހުޅުމާލޭ ނިރޮޅުމަގު ހަތް ނަންބަރު ގޯޅީގައެވެ. ޒަޚަމް ތަކަކާއެކު އެ ގޯޅީގައި މީހަކު ވެއްޓިފައި އޮތްކަމުގެ މަޢުލޫމާތު ފުލުހުންނަށް ލިބުމާއެކީ ފުލުހުންވަނީ އެތަންނަށް ގޮސްފައެވެ.
މަޢުލޫމާތު ލިބިފައިވާގޮތުގައި އެ ތަނަށް ވެއްޓިފައިވަނީ ޢުމުރުން 21އަހަރުގެ މީހެކެވެ. އެމީހާ މިހާރުވަނީ އިންދިރާގާންދީ މެމޯރިއަލް ހޯސްޕިޓަލަށް ގެންގޮސް ފަރުވާންދޭން ފަށާފައެވެ. މީސްމީޑިއާގައި ޢާއްމުވެފައިވާ މި މީހާގެ ވީޑީއޯތަކުން ފެންނަގޮތުގައި އޭނާގެ ހަށިގަނޑު ނިވާވެފައިވަނީ ހަމައެކަނި އޭނާލައިގެން އޮތް ބޮކްސާއިންނެވެ. ގިނަ ޒަޚަމް ތަކެއްވެފައިވާކަން އެމީހާގެ އެ ވީޑިއޯއިން ވަރަށް ރަނގަޅަށްފެނެއެވެ. އެއާއެކު ކޮންމެސްވަރަކަށް ހަރަކާތް ކުރާމަންޒަރުވެސް އެވީޑިއޯއިން ފެނެއެވެ. އަދި އޭނާގެ ގައިގައި އަޅަމުންދިޔަ ވޭންތަކުގެ ސަބަބުން ކެތްނުކުރެވިގެން އުޅޭ މަންޒަރުވެސް އެ ވީޑޯއިން ފެނިގެންދެއެވެ. އޭނާ ވެއްޓިފައިވަނީ އެ މަގުގައި ހުރި ގެސްޓު ހައުސް އަކުންކަމަށް މައުލޫމާތު ލިބިފައިވެއެވެ. އަދި އެ ގެސްޓް ހައުސްގެ ޓެރަސްގައި ވެސް ލޭހުރިކަމަށް މަޢުލޫމާތު ލިބިފައިވެއެވެ.
މީހަކު ވެއްޓުމުގެ ދެވަނަ ހާދިސާއެއް ހިނގާފައިވަނީ މާލޭގައެވެ. ފުލުހުން ހާމަކުރެއްވި ގޮތުގައި މާފަންނު އިތާގޯޅިއަށް ވެއްޓިފައި އޮތްމީހަކު އިންދިރާގާންދީ މެމޯރިއަލް ހޯސްޕިޓަލަށް ގެންގޮސް ފަރުވާދޭން ފަށައިފައިވާކަމަށް ހާމަކުރަށްވައެވެ. އެމީހާ ވެއްޓިފައިވަނީ ގެއެއްގެ ފަސް ވަަނަ ފަންގިފިލާއިންނެވެ.
މައުލޫމާތު ލިބިފައިވާގޮތުގައި މި މީހާ ވެއްޓިފައިވަނީ މ. އެންދެރިކުރި ކިޔާގެއިންނެވެ. އެ މީހާ ވެއްޓުނު ގޮތެއް ސާފުވެފައި ނުވިނަމަވެސް އެ ސަރަހައްދުގައި ގިނަ މިންވަރަކަށް ލޭ ހުރިކަން ވަރަށްބޮޑަށް ފާހަގަ ކުރެވެއެވެ. ވެއްޓިފައިވާ މި މީހަކީ އުމުރުން 33 އަހަރުގެ ދިވެހި ފިރިހެނެއް ކަމަށްވެސް މައޫލޫމާތު ލިބިފައިވެއެވެ.
މި ދެމައްސަލައިގެ ތަހުޤީގު ކުރިއަށްދާއިރު، މިކަމާ ގުޅޭ އިތުރު މަޢުލޫމާތެއް ހާމަކުރެވޭނީ ތަހުޤީގަށް ފަހުކަމަށް ފުލުހުންގެ މީޑިއާ އޮފިޝަލްވަނީ ވިދާޅުވެފައެވެ.
މީގެ ކުރިންވެސް މިކަހަލަ ގިނަ ޙާދިސާތަކެއް ހިނގާފައެވެ.
