ކޮވިޑް ޖެހިގެން އިތުރު ދެ މީހަކު މިއަދު މަރުވެއްޖެ އެވެ.
އެޗްޕީއޭއިން ބުނީ މިއަދު 5:55 ހާއިރު މަރުވީ ހުޅުމާލޭ މެޑިކަލް ފެސިލިޓީގައި ކޮވިޑަށް ފަރުވާދެމުން ދިޔަ 47 އަހަރުގެ ފިރިހެނެއް ކަމަަށެވެ.
މިއަދު މި ބަލީގައި ފުރަތަމަ މަރުވީ ވެސް އެ ފެސިލިޓީގައި ފަރުވާ ދެމުންދިޔަ އުމުރުން 54 އަހަރުގެ ފިރިހެނެކެވެ.
ރާއްޖެއިން މިހާތަނަށް މި ބަލީގައި 153 މީހަކު ވަނީ މަރުވެފައެވެ.
މި ބަލީގައި އިއްޔެ ރާއްޖެއިން ވަނީ ތިން މީހަކު މަރުވެފައެވެ. އެއީ ހުޅުމާލޭ ފެސިލިޓީގައި ފަރުވާ ދެމުންދިޔަ އުމުރުން 56 އަހަރުގެ ދިވެހި ފިރިހެނަކާއި އައިޖީއެމްއެޗް އިމަޖެންސީ ރޫމުގައި ފަރުވާ ދެމުން އައި 79 އަހަރުގެ ދިވެހި ފިރިހެނެއްގެ އިތުރުން ގއ.ވިލިނގިލީ ކޮވިޑް ފެސިލިޓީގައި ފަރުވާ ދެމުން އައި އުމުރުން 67 އަހަރުގެ ފިރިހެނެކެވެ.
