މާލޭގައި މިދިޔަ ބުދަ ދުވަހުގެ ރޭ ހިނގަިދިޔަ އެކްސިޑެންޓުގައި ސައިކަލު ދުއްވަން އިން މީހާގެ މައުލޫމާތު ހޯދިފައިވާ ކަމަށް ފުލުހުން ބުނެފިއެވެ.
ގަލޮޅު ހުވަފެނީ ގޯޅީގައި ހިނގައިދިޔަ މި އެކްސިޑެންޓުގައި ސައިކަލު ފަަހަތުގައި އިން 22 އަހަރުގެ އިސްމާއިލް ޔަޒްދާން ވަނީ ހަމަ އެ ރޭ ނިޔާވެފައެވެ. އޭޑީކޭ ހޮސްޕިޓަލުން ބުނީ އޭނާ ހޮސްޕިޓަލަށް ގެންދިޔަ އިރު ވެސް އޮތީ މަރުވެފައި ކަމަށެވެ. މި ހާދިސާގައި ސައިކަލު ދުއްވަން އިން މީހާ ވަނީ މަަޑުނުކޮށް ފިލާފައެވެ.
ފުލުހުން ބުނީ އެކްސިޑެންޓަށްފަހު މަޑުނުކޮށް ފިލި މީހާގެ މައުލޫމާތު ހޯދިފައިވާ ކަމަށާއި މައްސަލައާ ގުޅިގެން އަޅަން ޖެހޭ ފިޔަވަޅުތައް އެޅުމުގެ މަަސައްކަތް ފުލުހުން ކުރަމުން ދާ ކަމަށެވެ.
މި އެކްސިޑެންޓް ހިނގާފައިވަނީ ހުވަފެނީ ގޯޅީގައި ބާއްވާފައި އޮތް ގާޑިޔަލެއްގައި ދުއްވާފައި ދިޔަ ސައިކަލެއް ޖެހިގެންނެވެ.
