ކޮވިޑްގައި މިއަދުގެ ހަތަރު ވަނަ މަރު، ޖުމުލަ 165 އަށް

އެނގިފައިވާ ގޮތުގައި މަރުވެފައި ވަނީ ހުޅުމާލޭ ކޮވިޑު ފެސިލިޓީގައި ފަރުވާ ދެމުން އައި އުމުރުން 50 އަހަރުގެ ފިރިހެނެކެވެ. އޭނާ މަރުވެފައި ވަނީ ފަތިހު 5:45 އެހައި އިރު އެވެ.

ބ. އަތޮޅު ހޮސްޕިޓަލުގައި ގާއިމު ކޮށްފައި ހުންނަ ޒޯން B ރީޖަނަލް ކޮވިޑް މެނޭޖްމަންޓް ފެސިލިޓީގައި ފަރިވާ ހޯދަމުން އައި މީހަކުވެސް ރޭ ފަތިހު ވަނީ މަރުވެފަ އެވެ.

އޭދަފުށީ ހޮސްޕިޓަލުން ބުނެފައިވާ ގޮތުގައި މަރުވެފައި ވަނީ އެ ފެސިލިޓީގައި ފަރުވާ ދެމުން އައި ރ. ހުޅުދުއްފާރު، 87 އަހަރުގެ ދިވެހި ފިރިހެނެކެވެ. އޭނާ މަރުވެފައި ވަނީ ރޭ ފަތިހު 04:40 ގައެވެ.

ހުޅުމާލޭ ފެސިލިޓީގައި ރޭ 12:00އިގެ އިތުރު ފަހުން ދެ މީހަކު މަރުވެފައި ވާއިރު، އޭގެ ތެރެއިން ފުރަތަމަ މީހާ މަރުވެފައި ވަނީ 04:00 ގެ ކުރީންނެވެ. އެއީ 70 އަހަރުގެ ދިވެހި ފިރިހެނެކެވެ. ހުޅުމާލޭ ފެސިލިޓީގައި ދެވަނަ ދެން މަރުވެފައި ވަނީ 59 އަހަރުގެ ދިވެހި އަންހެނެކެވެ. އޭނާ މަރުވީ ހެނދުނު 06:00 ޖަހައި ބޮޑުވީ ފަހުންނެވެ.

ރާއްޖޭގައި ކޮވިޑު ޖެހިގެން އެންމެ ގިނަ މީހުން މަރުވީ މިމަހުގެ 25 ވަނަ ދުވަހުއެވެ. އެ ދުވަހު މި ބަލީގައި 13 މީހަކު މަރުވެފައިވެ އެވެ.