މާލޭގެ ގެއެއްގެ ތެރެއިން މަރުވެ ގިނަ ދުވަސްވެފައިވާ ދިވެހި އަންހެނެއްގެ ހަށިގަނޑު ފެނިއްޖެއެވެ.
ފުލުހުން ބުނީ ގަލޮޅު ގެއެއްގައި ކުނިވަސް ދުވާތީ ބެލިއިރު މަރުވެ ގިނަ ދުވަސްވެފައިވާ މީހެއްގެ ހަށިގަނޑު ފެނިފައިވާ ކަމަށެވެ.
އެގޮތުން މަރުވެފައި އޮއްވާ ފެނިފައިވަނީ އުމުރުން 27 އަހަރުގެ ދިވެހި އަންހެނެއް ކަމަށް ފުލުހުން މައުލޫމާތު ދެއެވެ.
"ސީން ޕްރޮސެސްކޮށް ބަލަންޖެހޭ ކަންކަން ބެލުމުގައި ފުލުހުން ދަނީ ހަރަކާތްތެރިވަމުން" ފުލުހުން ބުންޏެވެ.
މި މައްސަލައިގެ ރިޕޯޓު ލިބިފައިވަނީ މިރޭ ދަންވަރު 2:33 ހާއިރު ކަމަށް ފުލުހުން ބުނެއެވެ.
