ޗައިނާގައި މިނިވަންކަމަށް އެދިގެން ޒުވާނުން ނިކުމެ ޓިއަނަމަން މައިދާނުގައި މުޒާހަރާ ކުރިތާ މާދަމާ 32 އަހަރު ވާނެއެވެ. މި މުނާސަބާ ދިމާވާއިރު، ހޮންގްކޮންގ ގައި ހުންނަ ޓިއަނަމަން މިއުޒިމް މާދަމާ ހުންނާނީ ބަންދުކޮށްފައެވެ. ހޮންގކޮންގ ގެ މަސްއޫލުވެރިން ވިދާޅުވާ ގޮތުގައި މި މިއުޒިއަމް ދެން ހުންނާނީ ވަގުތީ ގޮތުން ބަންދު ކުރެވިފައެވެ. މައްސަލައަކީ މި މިއުޒިއަމް އިން މިއުޒިއަމެއްގެ ގޮތިގައި ހިންގުމަށް ބޭނުންވާ ލައިސަންސް ނަގާފައި ނެތުން ކަމަށް މަސްއޫލުވެރިން ވިދާޅުވެއެވެ.
މި މިއުޒިއަމް ހިންގަނީ، ޗައިނާގައި ޑިމޮކްރެޓިކް ހަރަކާތަށް މަސައްކަތް ކުރުމަށް ރަޖިސްޓްރީ ކޮށްފައިވާ ހިލޭސާބަހަށް މަސައްކަތް ކުރާ ޖަމާއަތަކުންނެވެ. މި މިއުޒިއަމްގެ ސްޓާފުންގެ ރައްކަލަކަށްޓަކައި އިތުރު ފިޔަވަޅުތައް އަޅާފައިވާ ކަމުގައި މި ޖަމާއަތުން ބުނެއެވެ.
ޗައިނާއާއި ހޮންގކޮންގ ގައި ޑިމޮކްރެސީއަށް ވަކާލާތު ކުރާ ފަތާތްތަކުން ވަނީ މާދަމާ މި މިއުޒިއަމް ހުންނަ ސަރަހައްދުގައި މުޒާހަރާއެއް ބޭއްވުމަށް ނިންމާފައެވެ. ހޮންގްކޮންގ ގެ ސަލާމަތީ ފަރާތްތަކުން ވަނީ މި ހާރުވެސް މި ސަރަހައްދުގައި ތިން ހާސް ސިފައިން ބައިތިއްބާފައެވެ.
