އިންޑިއާގެ ބޮޑެތި ކުންފުނިތަކުން ކޮވިޑް19 ޖެހިގެން މަރުވާ މުވައްޒަފުންގެ އާއިލާ ދަމަހައްޓަން މަސައްކަތް ކުރާނެ ކަމަށް ބުނެއެވެ. އިންޑިއާގެ ސިނާއީ ވުނަދަންކާރު ރަޓަން ޓާޓާގެ އިސްނެގުމަށް ޓާޓާ ކުންފުނިތަކުން ނިންމާފައި ވަނީ ކޮވިޑް19 ޖެހިގެން މަރުވާ މީހާގެ އާއިލާއަށް މަރުޙޫމްގެ އުމުރުން 65 އަހަރު ހަމަވުމާހަމައަށް މިހާރު ދެމުންދާ މުސާރަ އެގޮތުގައި ދެމުން ގެންދިއުމަށެވެ.
ޓާޓާ އާއި އައުލާދުގެ ކުންފުންޏަކީ، ހިއްސާދާރުންގެ ބަސްވިކޭ އާންމުންގެ ފައިދާއަށް ހިންގާ، ޓާޓާ އައުލާދަށް އެއިން ބޮޑު މަންފާއެއް ނުނެގޭ ގޮތަށް ހިންގާ ވަގްފު ކުންފުންޏެކެވެ.
ޓާޓާ އައުލާދުގެ ނިންމުމަށްފަހު މިހާރު އޭޝިއާގެ މަހާސާދާގަރު މުކޭޝް އަމްބާނީ ވަނީ އޭނާގެ ރިލައެންސްއިންވެސް މިފަދަ ގޮތަކަށް އަމަލުކުރަން ފަށާފައެވެ.
ގުޖުރާތުގެ އާދައިގެ އާއިލާއަކުން ކެމިކަލްއާއި ތެޔޮ ވިއްކައިގެން މުއްސަނދިވެފައިވާ ރިލައެންސް އިން އިޢްލާން ކޮށްފައި ވަނީ ކޮވިޑް19 ޖެހިގެން މަރުވާ މުވައްޒަފުގެ އާއިލާއަށް ފަސް އަހަރު ވަންދެން މަރުހޫމްގެ މުސާރަ ޖަމާ ކޮށްދެމުން ގެންދާނެ ކަމަށެވެ.
މީގެ އިތުރުން މަރުހޫމްގެ އައުލާދުންނަށް އިންޑިއާގެ ޔުނިވަރސިޓީއަކުން ބެޗެލާޒްގެ ފެންވަރަށް ތަޢްލީމް ހާސިލުކުރުމަށްޓަކައި ޓިއުޝަން ފީއާއި ފޮތާއި ހޮސްޓެލް އެކަމަޑޭޝަން އާއި ފީ، އެއްކޮށް ދައްދަކަމުން ގެންދާނެ ކަމަށްވެސް ބުނެފައި ވެއެވެ. އަދި މުވައްޒަފަހަށް ކޮވިޑާ ގުޅިގެން ކުއްލި ހާލަތެއް ދިމާވެއްޖެނަމަ، ތިން މަހަށް ބޭނުންވާ އިމަޖެންސީ ފަންޑެއް ދޭނެކަމަށްވެސް އަހަރީ ރިޕޯޓްގައި ބުނެފައި ވެއެވެ.
އާއިލާގެ އެއްވެސް މީހަކަށް ކޮވިޑް ލައިގެންފިނަމަ، ބަލިން ރަނގަޅުވަންދެން މުސާރައާއެކު ވީއްލާނެ ކަމަށްވެސް ބުނެފައި ވެއެވެ.
ރިލައެންސްގެ ދަށުން ހިންގާ ހިލޭސާބަހަށް މަސައްކަތް ކުރާ ރިލައެންސް ފައުންޑޭޝަނުން ބުނެފައި ވަނީ ރިލައެންސްގެ މުވައްޒަފަކު ނިޔާވެއްޖެނަމަ، އާއިލާއަށް އެއްމިލިއަން ރުޕީސް ހަދިޔާ ކުރާނެ ކަމަށެވެ. މި ފައުންޑޭޝަންގެ ރައީސަކީ ކުރީގެ ފިލްމީ ތަރި މުކޭޝް އަމްބާނީގެ އަންހެނުން (ކުރީގެ) ޓީނާ މުނިމްއެވެ.
ރިލައެންސް އިން ގެންދަނީ އަމިއްލައަށް ހުރިހައި މުވައްޒަފުންނަށް ވެކްސިން ދިނުމަށް ޕްރޮގްރާމެއްވެސް ހިންގަމުންނެވެ.
