މުވާސަލާތީ ޓެކްނޮލޮޖީ 5ޖީ ތައާރަފް ކުރުމާ ދެކޮޅަށް ހައިކޯޓަށް މައްސަލަ ވެއްދި އިންޑިއާގެ ފަންނުކާރު، ބޮޑު އަދަދކުން ޖުރިމާނާ ކޮށްފިއެވެ. ދިއްލީ ހައިކޯޓުން ވަނީ ޖުހީ ޗާވްލާ ހުށަހެޅި ދައުވާ ހުކުރު ދުވަހު ބޭރުކޮށްފައެވެ.
އިންޑިއަން އެކްސްޕްރެސްއިން ބުނިގޮތގައި ކޯޓުން ވަނީ ޖޫހީ، ދެ މިލިއަން ރުޕީސް އިން ޖުރިމާނާކޮށްފައެވެ. އޭނާ ތާކުންތާކު ނުޖެހޭ ދައުވާއެއް ވައްދާފައި ވަނީ، މަޝްހޫރުވާން ވެގެން ކަމަށްވެސް ކޯޓުން ބުންޏެވެ.
ޝަރީއަތް ވަރޗުލްއަލް ކޮށް ހިނގަމުން ދިޔައިރު، ޝަރީއަތަށް ހުރަސްއަޅައި ޖުހީގެ ލަވައެއް ޝަރީއަތުގެ މަޖިލީހުގައި އިއްވި މީހާ ހޯދައި އެމީހާއަށް ފިޔަވަޅު އެޅުމަށްވެސް ކޯޓުން ވަނީ ނިންމާފައެވެ.
ޖޫހީގެ ދައުވާގައި ބުނެފައި ވަނީ 5ޖީގެ ސަބަބުން ގަސްގަހާގެއްސާއި އިންސީންނާއި ޖަނަވާރުންނަށްވެސް ނޭދެވޭ އަސަރުތައް ކުރާ ކަމަށެވެ. ޖޫހީ ޖުރިމާނާ ކުރުމުން މީހުންނަށް އެކަން ވަނީ މަޖަލަކށ ްވެފައެވެ. އިންޑިއާގައި 5ޖީ ބޭނުން ނުކޮށް 5ޖީއަށް އެންމެ ފުރަތަމަ ފައިސާ ދެއްކި މީހަކީ ޖޫހީކަމަށްވެސް މީހުން ދަނީ ބުނަމުންނެވެ.
