އިންޑިއާގެ ކަޝްމީރުގައި ދޮރުން ދޮރަށް ވެކްސިން ޖެހުމަށް ހިންގާ ޕްރޮގްރާމުގައި މިހާތަނަށް އުމުރުން އެންމެ ދުވަސްވީ މީހަކަށް ވެކްސިން ޖަހާފައި ވަނީ އުމުރުން 124 އަހަރުގެ ރަހްތީ ބޭގަމް ނަކަށް ކިޔާ އަންހެނެއްގެ ގަޔަށެވެ.
މިއަންހެން މީހާގެ ރޭޝަން ކާޑުން މިމީހާގެ އުމުރުން ކަށަވަރުވާކަމަށް އޭނާއަށް ވެކްސިން ދިން ޑރ. ތަޖައްމުލް މާލިކް ބުނެއެވެ. އަދި ވެކްސިން ދިނުމަށްފަހު އޭނާގެ ހާލަތަށް އެއްވެސް ބަދަލެއް އައިސްފައި ނުވާކަމަށްވެސް ޑރ. މާލިކް ބުނެއެވެ.
މިއީ ބޭގަމްއަށް ދިން ފުރަތަމަ ޑޯޒެވެ.
ބޭގަމްގެ އަވަށްޓެރި އުމުރުން 48 ގެ މީހަކު ބުނެފައި ވަނީ އޭނާގެ އަވަށްޓެރިޔާ އަކީ ގަދަވެ ސަލާމަތުން ހެލިފެލިވެ އުޅޭ މީހެއް ކަމަށެވެ. އަދި ނާދިރު ފަހަރެއްގައި މެނުވީ ބޭގަމް ބަލި ނުވާކަމަށް ބުންޏެވެ.
ބޭގަމް ދިރިއުޅެނީ އޭނާގެ އެންމެ ހަގު ދަރިއާއެކު ގައެވެ. ކަޝްމީރުގައި އެންމެނަށް ވެކްސިން ދިނުމުގެ މަގްސަދުގައި ޑޮކްޓަރުންނާއި ޒުވާނުން ދަނީ ގާފިލާތައް ހަދައިގެން ދޮރުން ދޮރަށް ހިނގައި، އަދި މައިދާންތަކުން މީހުން ހޯދައިގެން ވެކްސިން ދިނުމަށް މަސައްކަތް ކުރަމުންނެވެ.
