އިންޑިއާއާއި ޕާކިސްތާނުން މިހާތަނަސް މަޑު ޖައްސާލާފައިވާ ޑިޕްލޮމޭޓުންގެ ވިސާތައް ނިންމުމަށް ދެގައުމުން އެއްބަސްވުމަކަށް އައިސްފިއެވެ. މީޑިއާ ރިޕޯޓްތައް ބުނާ ގޮތުން ދެ ގައުމުންވެސް ޑިޕްލޮމޭޓުންނާއި އެމްބަސީ ސްޓާފުންގެ ވިސާ މި މަހުގެ 16 ހާ ހިސާބުގައި މަހަޖައްސަން ފަށާނެއެވެ.
އިންޑިއާއިން ވަނީ މި ދިޔަ އަހަރު މެއި މަހު ގިނަ އަދަދެއްގެ ސްޓާފުން އަނބުރައި ގެނަސްފައެވެ. މިމީހުން ގެނަސްފައި ވަނީ ގިނަ ދުވަސްތަކެއް ވަންދެން ޕާކިސްތާނުން މިމީހުންނަށް ވިސާ ނުދީ ދިގު ދެންމުމާ ގުޅިގެންނެވެ.
ޕާކިސްތާނުގެ 30 ސްޓާފުންވެސް ތިބީ އިންޑިއާއިން ވިސާ ދޭނެ ދުވަހަކަށް ބަލަބަލައެވެ.
ދެ ގައުމުން މައްސަލަތައް ހޫނުވާ ކޮންމެ ފަހަރެއްގައިވެސް ޑިޕްލޮމޭޓުން އަނބުރައި ގެނައުމާއި އަނެއް ބަޔަކު ބޭރުކޮށްލުން ފަދަ ކަންތައްތައް ހިންގައި އަލަށް ޕޯސްޓިންގއަށް ދާން އުޅޭ މީހާގެ ވިސާ ހިފެހެއްޓުންފަދަ ކަންކަން ކޮށްހަދައެވެ.
