ޗައިނާއާ ދެކޮޅަށް ޕެރިހުގައި އިއްޔެ އެފްރިކާ އާއި އޭޝިއާއިން މީހުން އެއްވެގެން މުޒާހަރާ ކޮށްފިއެވެ. އޭޝިއަން އެފްރިކަން އެލައެންސްގެ ނަމުގައި އަމިއްލަ ބަޔަކު އުފައްދާފައިވާ ޖަމާއަތުން ޗައިނާއާ ދެކޮޅަށް މުޒާހަރާ ކޮށް ހުޅަނގުގެ ގައުމުތަކަށް ގޮވާލާފައި ވަނީ ބެއިޖިންގ އޮލިމްޕިކްސް ބޯއިކޮޓް ކުރުމަށެވެ.
މިމީހުން ވަނީ ޗައިނާގެ ކޮމިއުނިސްޓް ޕާޓީން އިންސާނީ ހައްގަށް އަރައި ގަންނަކަމަށް ބުނެ ޗައިނާއާ ދެކޮޅު ޝިއާރުތައް ގޮވައިފައެވެ.
މިމީހުން ވަނީ ހޮންގ ކޮންގއާއި ޓިބެޓާއި ޝިންޖިއާންގެ މައްސަލާގައި ޗައިނާ އިން ބައިމަދު މީހުންނާ ދެކޮޅަށް މަސައްކަތް ކުރާ ކަމަށް ބުނެފައެވެ. މިއީ އޭޝިއާއާއި އެފްރިކާ މީހުން ގުޅިގެން މިފަދަ އެއްވުމެއް ބޭއްވި ފުރަތަމަ ފަހަރެވެ.
މި އެއް ވުމުގައި އޭޝިއާއާއި އެފްރިކާއިން 14 ގައުމަކުން މީހުން ބައިވެރިވިއެވެ.
