ދެ މަސް ފަހުން އިންޑިއާއިން އެންމެ މަދުން ކޮވިޑް19ގެ ކޭސްތައް ރިޕޯޓް ކޮށްފައި ވަނީ އާދީއްތަ ދުވަހުއެވެ. އާދީއްތަ ދުވަހު ރިޕޯޓް ކޯށްފައި ވަނީ 114460 ކޭސް އެވެ. އާދީއްތަ ދުވަހު ރިޕޯޓް ކުރި މަރުގެ އަދަދަކީ، 2677 އެވެ.
އިންޑިއާގައި ކޭސްތައް ދަށަށް ދާން ފެށުމާއެކު އިންޑިއާއިން ވަނީ ކޮވިޑާ ގުޅިގެން އަޅާފައިވާ ހުރަސްތައް ލުއި ކުރުމަށް ވިސްނާފައެވެ.
ދުނިޔޭގައި ދެވަނައަށް އެންމެ ގިނައިން ކޮވިޑް ކޭސްތައް ރިޕޯޓް ކޮށްފައި ވަނީ އިންޑިއާއިންނެވެ. އެމެރިކާއިން 28.8 މިލިއަން ކޮވިޑް ކޭސް ރިޕޯޓް ކޮށް އެއްވަނަ ހޯދާފައި ވެއެވެ.
ކޮރޯނާގެ ދެ ވަނަ ރާޅާއެކު އިންޑިއާގެ ރަށްފުށުގެ ހިސާބުތަކަށް ބޮޑެތި ގެއްލުންތައް ދީފައި ވެއެވެ. ބޮޑެތި ސިޓީތައް ކަމަށްވާ ދިއްލީއާއި ބެންގަލޯރ އަދި މުމްބާއި ގައި ކޭސްތައް ދަށް ވަމުންގޮސްފައިވާ ކަމަށް ދައްކައެވެ.
މުމްބާއީއާއި މަހަރާޝްޓްރާ ސްޓޭޓަކީ އެންމެ ގިނައިން ކޮވިޑް ކޭސްތައް ރިޕޯޓް ކޮށްފައިވާ ސްޓޭޓެވެ. މުމްބާއީ ގައި ވެސް އަޅާފައިވާ ހަރުކަށި ފިޔަވަޅުތަކަށް ލުޔެއް ދިނުމަށް އެޕްރީލްގެ ފަހު ކޮޅުންފެށިގެން މަސައްކަތް ކުރާނެ ކަމަށް ސްޓޭޓް ސަރުކާރުން އަންގައެވެ.
އިންޑިއާގައި ކޮވިޑްގެ ތިންވަނަ ރާޅެއް އަންނާނެ ކަމަށްވެސް ބުނެއެވެ. ތިން ވަނަ ރާޅުގައި ކުޑަ ކުދިންނަށް ބޮޑެތި އަސަރުތަކެއް ކުރާނެ ކަމަށް ލަފާކޮށްފައި ވެއެވެ.
