ޓިބެޓުން މީގެ ދެ އަހަރު ކުރިން ޗައިނާ ސިފައިން ހައްޔަރު ކުރި ލިޔުންތެރިއަކު މިއަދާހަމައަށްވެސް ޝަރީއަތަށް ހުށަހަޅާފައި ނުވާތީ އާއިލާއިން އެވާހަކަ ދުނިޔޭގެ މީޑިއާގެ ސަމާލުކަމަށް ހާމަކޮށްފިއެވެ. އޭނާ ހައްޔަރުކޮށްފައި ވަނީ 2019 ޖޫން މަހު ޗެންޑޫގައި ޕްރައިވެޓް ސްކޫލަކުންނެވެ. ދި ލާޑޭންގެ ނަމުން މަޝްހޫރު މި ލިޔުންތެރިޔާ ހައްޔަރުކޮށްފައި ވަނީ ބެލެވޭ ގޮތުގައި ކިޔަވައި ދިނުމަށް އޭނާ ގެންގުޅު އަމިއްލައަށް ތައްޔާރުކޮށްފައިވާ ލިޔުންތަކެއްގެ ސަބަބުންނެވެ.
ދި ލާދޭން އަކީ، ސިޗުއާން ސަރަހައްދަށް އުފަން މީހެކެވެ. އުމުރުން 11 އަހަރުގައި އޭނާ ހާމުދުރުންގެ ދިރިއުޅުން އުޅެން ފެށިއެވެ. ނަމަވެސް އޭނާ އުޅުނު ފައްޅި ޗައިނާ ސަރުކާރަށް ނެގުމުން އެތަންތަން ދޫކޮށް އޭނާ ދިޔައީ އެވެ.
އޭނާއަކީ ބުދު ދީނުގެ ލިޔުންތައް ލިޔެ އުޅޭ މީހެކެވެ. އަދި ޗައިނާއިން ޓިބެޓްގައި ހިންގާ ސިޔާސަތުތަކާ ދެކޮޅަށްވެސް އޭނާ ފޮތް ލިޔެ އުޅެއެވެ. އޭނާ ހައްޔަރުކުރިފަހު އާއިލާއާ ބައްދަލު ވެފައެއް ނުވެއެވެ. އޭނާގެ އަންބަކާއި ދަރިއަކު ހުރެއެވެ.
ޗައިނާގެ ޓިބެޓްގައި ސިޔާސަތަށް ފާޑު ކިޔުމުން ލިޔުންތެރިންނާއި ފަންނާނުން ހައްޔަރުކޮށް ޖަލަށް ލައެވެ. ޓިބެޓް މީހުން އެމީހުންގެ ބަހާއި ސަގާފަތް ދަމަހައްޓަން ގަދައަޅައި މަސައްކަތް ކުރެއެވެ.
