މޮރިޝަސްގެ ބޮޑުވަޒީރު ޕްރަވިންދު ޖުގްނައުތު އާންމު އިންތިޚާބުގައި ބަލި ކުރުމުގައި ދިވެހިންގެ އެއްވެސް ދައުރެއް ނެތް ކަން ޔަގީނެވެ! ހުކުރު ދުވަހު ބޭއްވި އާންމު އިންތިޚާބުގައި ޕާލަމެންޓްގެ މެޖޯރިޓީ އޭނާގެ މިލިޓަންޓް ސޯޝަލިސްޓް މޫވްމަންޓް ޕާޓީއަށް ގެއްލިފައިވާ ކަމަށް އޭނާ ވަނީ އެއްބަސްވެ ވަޑައިގެންފައެވެ.
ހުކުރު ދުވަހުގެ ވޯޓުގެ ފައިނަލް ނަތީޖާ ހާމަވަމުން ދާއިރު، އިންޑިއާ ދަރިކޮޅުގެ ޖުގްނައުތުގެ ގޮނޑި ދެންވެސް ދާނީ އިންޑިއާ ދަރިކޮޅުގެ އެހެން ބޭފުޅަކަށެވެ.
އެއީ އިދިކޮޅު ލީޑަރު ނަވީން ރަމްގޫލަމް އެވެ. މިއީ އޭނާ ބޮޑު މަގާމާ ޙަވާލުވެ ވަޑައިގަންނަވާ ތިން ވަނަ ފަހަރެވެ. އޭނާ އިސްކޮށް ހުންނަވަނީ، އެލަޔަންސް އޮފް ޗޭންޖް ކޯލިޝަންގައެވެ.
ޖުގްނައުތު ވެރިކަން ކުރައްވަނީ 2017 ވަނަ އަހަރުން ފެށިގެންނެވެ.
