ޗައިނާގެ ވާވޭއަށް ސުއިޑްންގައި 5ޖީގެ އާލާތްތައް ވިއްކުން މަނާ ކުރުމާ ގުޅިގެން އެކުންފުނިން ކޯޓަށް ވެއްދި މައްސަލަ އެކުންފުންޏާ ދެކޮޅަށް ނިމިއްޖެއެވެ. ލަފާ ކުރެވޭ ގޮތުގައި މި ނިންމުން ވެގެންދާނީ ޗައިނާއން ސުއިޑްންގެ އެރިކްސަންއާ ދެކޮޅަށް ބަދަލު ހިފުމަށް ފިޔަވަޅު އެޅުމަށް މަގު ފަހިވާނެ ކަމަކަށެވެ.
ސުއިޑްނގެ ގައުމީ ސަލާމަތަށް ނުރައްކާވާކަމަށް އެގައުމުގެ ޖާސޫސީ އިދާރާއިން ތަފްސީލީ ރިޕޯޓެއް ސަރުކާރަށް ދިނުމުން ސަރުކާރުން ވަނީ މިދިޔަ އޮކްޓޯބަރުން ފެށިގެން ވާވޭ، ސްއިޑްންގެ 5ޖީ ވިއުގައިން ބޭރުކޮށްލާފާއެވެ. އެއިރު ވާވޭން ބުނެފައި ވަނީ އެކުންފުންނަށް އެޅެން ހުރި ފިޔަވަޅުތައް ބަލަމުންދާނެ ކަމަށެވެ.
ޔޫރަޕްގެ ގައުމުތަކުން ދަނީ ވާވޭއާއި ޗައިނާގެ ކުންފުނިތައް މުވާސަލާތީ ވިއުގައިން ބޭރުކުރުމަށް މަސައްކަތް ކުރަމުންނެވެ.
އެންމެ ފަހުން 5ޖީ ނެޓްވަރކުން ޗައިނާގެ ކުންފުނިތައް ބޭރުކުރި ގައުމަކީ ރުމޭނިއާއެވެ.
ޔޫރަޕްގައި ޗައިނާ ކުންފުނިތަކަށް ފިއްތުންތައް ކުރިމަތިވުމުން ނޮކިއާއާއި އެރިކްސަންއާއި ސެމްސުންގއަށް 5ޖީ މާކެޓްގައި ލިބެމުންދާ ޙިއްސާ ދަނީ އިތުރު ވަމުންނެވެ.
ސުއިޑްންގެ އެރިކްސަންއަކީ އެ ކުންފުނީގެ އާމްދަނީ 10 އިންސައްތަ ޗައިނާގެ ވިޔަފާރިތަކުން ހޯދާ ކުންފުންޏެކެވެ.
