ޔޫރަޕްގެ ޖަމާއަތުގެ މެންބަރު ލިތުއޭނިއާ އިން ޓައިވާނަށް 20 ހާސް ވެކްސިން ޑޯޒް ހަދިޔާކޮށްފިއެވެ. ޗައިނާއާ ދެބަސްވުމެއްގައި އުޅޭ ލިތުއޭނިއާގެ މިއަމަލަކީ ޗައިނާ ނުރުހޭނެ އަމަލެކެވެ. ޗައިނާއާއި ޔޫރަޕްގެ ޖަމާއަތާއެކު ހަދާފައިވާ 17+1 ޖަމާއަތުގައި ބައިވެރިވެގެން އުޅުމަށްފަހު ލިތުއޭނިއާއިން ވަނީ ޗައިނާގެ އިންސާނީ ހައްގުގެ ރެކޯޑާމެދު ހިތްހަމަ ނުޖެހޭ ކަމަށް ބުނެ، އެ ޖަމާއަތުން ވަކިވެފައެވެ.
ލިތުއޭނިއާއިން ޓައިވާނަށް ވެކްސިން ހަދިޔާ ކުރުމަށް އިޢްލާން ކުރުމުގެ އެއްދުވަސް ކުރިން އެމެރިކާއިން ވަނީ 2.5 ޑޯޒް ވެކްސިން ޓައިވާނަށް ދީފައެވެ.
ލިތުއޭނިއާގެ ފޮރިން މިނިސްޓަރ ވިދާޅުވެފައިވަނީ ކުޑަ ގޮތަކަށް ނަމަވެސް ޓައިވާންގެ ވެކްސިންގެ މަސައްކަތުގައި ބައިވެރިވާން ފުރުސަތު ލިބުމަކީ އޭނާގެ ގައުމަށް ލިބޭ އުފަލެއް ކަމުގައެވެ.
އެހެން ގައުމުތަކުގައި ކުރިން ކޮވިޑް ފެތުރުނުއިރު އެ ވަބާ ކޮންޓްރޯލް ކުރުމުގައި ޓައިވާނުން ކާމިޔާބީ ހޯދި އެވެ. ކޮވިޑްގެ ދެވަނަ ރާޅާއެކު ވެކްސިން ގަންނަން ޓައިވާނުން ދިމާ ކުރުމުން އެކަން ކާމިޔާބު ވާގޮތެއް ނުވިއެވެ.
ވެކްސިން އުފައްދާ ކުންފުނިތަކުން ވިއެޓްނާމަށް ވެކްސިން ވިއްކުމުގެ ހައްގު ޗައިނާގެ ކުންފުނިތަކުން އޮތީގަނެފައެވެ. އަދި އެކުންފުނިތަކުން ވެކްސިން ގަތުމަށް ޓައިވާނުން ބޭނުމެއް ނުވެއެވެ. ޗައިނާ ކުންފުނިތަކަށް ޓައިވާނަށް ވެކްސިން ވިއްކޭނީ ބެއިޖިންގެ ރުހުމާއެކުގައެވެ.
