އައްޑު ސިޓީ ހިތަދޫގެ ކޮވިޑު ކޭސްގެ ޢަދަދު 131 އަށް އަރައިފި އެވެ.
އައްޑޫ އެމަޖެންސީ އޮޕަރޭޝަން ސެންޓަރުގެ ތަފާސް ހިސާބުން ދައްކާ ގޮތުގައި އޭގެ ތެރެއިން 127 މީހުންނަކީ ހިތަދޫއިން ކޮވިޑަށް ޕޮސިޓިވްވި މީހުން ނެވެ. އަދި ދެން ތިބި 4 މީހުންނަކީ މަރަދޫއިން ޕޮޒިޓިވް ވި މީހުން ނެވެ.
އޭއީއޯސީ އިން ބުނީ އެ ސިޓީން ކޮވިޑަށް ފަރުވާ ދެމުންދާ މީހުންގެ ތެރެއިން އެކަކަށް ހިތަދޫ ކޮވިޑް މެނޭޖްމެންޓް ފެސިލިޓީގައި އެޑްމިޓްކޮށްގެން ފަރުވާ ދެމުން އަންނަކަމަށެވެ.
އެ ސިޓީގައި ކޮވިޑް ފެތުރެން ފެށި ފަހުން މިހާތަނަށް 450 މީހުން ޕޮޒިޓިވް ވެފައިވާ އިރު، އޭގެ ތެރެއިން ދެ މީހުން ވަނީ މަރުވެފަ އެވެ.
މިހާތަނަށް ބަލިން 317 މީހުން ވަނީ ރަނގަޅުވެފަ އެެވެ.
އައްޑު ސިޓީގެ ހުރިހާ ރަށެއް މޮނިޓަރިންގެ ހާލަތަށް ގެނައުމަށް ފަހު، ވަކިން އޮންނަ ހުޅުމީދޫގެ މޮނިޓަރިންގެ ހާލަތު ވަނީ އުވާލާފަ އެވެ. އަދި ގުޅިފައިވާ ރަށްތަކުގެ ތެރެއިން ވެސް ކާފިއު ހިންގަނީ ހިތަދޫގައި އެކަންޏެވެ.
