ސުލްޙަވެރި ހިމޭން އިހުތިޖާޖެއް ސޯޝަލް މީޑިއާގައި ހިޔާ ޔޫނިއަން އިން ފަށައިފި އެވެ.
މިއީ ހިޔާ ފްލެޓް ލިބުނު ފަރާތްތަކުން އިސްނަގައިގެން ހިންގާ ވައިބަރ ގުރޫޕް “ހިޔާ ފްލެޓް ޔޫނިއަން” އިން ކުރިއަށް ގެންދާ ހަރަކާތެކެވެ.
އެ ޔޫނިއަން އިން ބުނީ މި އިޙްތިޖަަޖު ކުރިއަށް ދާނީ 25 ޖޫން 2021 (މިއަދު) 14:00 އިން 26 ޖޫން 2021 (މާދަމާ) ރޭގަނޑު 22:00 އަށް ކަމަށެވެ.
ޖުމްލަ 32 ގަޑިއިރަށް ދެމިގެންދާ މި އިޙްތިޖާގައި ކޮންމެ ފަރާތަކުންވެސް ޝުޢޫރު ފާޅުކޮށް ގުރޫޕްގައި ހިއްސާކުރާ ފޮޓޯތަށް ޓުވިޓަރ އަދި ފޭސްބުކްގައި ޝެއަރކޮށް #petitiongeJavaabuAvaskury މި ހޭޝްޓެގު ދަނީ ބޭނުން ކުރަމުން ކަމަށް ވެސް ބުންޏެވެ.
އެފަރާތްތަކުން އިސްނަގައިގެން 01 ޖޫން 2021 ގައި ހުށަހަޅާފައިވާ ޕެޓިޝަނާއި ގުޅޭގޮތުން އެއްވެސް ޖަވާބެއް ސަރުކާރުގެ އެއްވެސް އިދާރާއަކުން އަދީ ދީފައި ނުވުމާއެކު ވުޒާރާތަކުގެ ވެރިންނާއި ބައްދަލު ކުރުމަށް އެދުމުން އެކަމަށް އިޖާބަ ދީފައިވަނީ ވެސް މާލެސިޓީ ކައުންސިލާއި އެޗް.ޑީ.ސީ އެކަނި ކަމަށް އެ ޔޫނިއަން އިން ބުނެއެވެ.
ރަޢީސް އޮފީސް އަދި ހައުސިންގ މިނިސްޓްރީއިން ޖަވާބެއް އަރުވާފައިނުވާތީ ކަންބޮޑުވުންތަކަށް އިޖާބަދިނުމަށްވެސް މި އިޙްތިޖާޖުގައި ދަނީ ގޮވާލަމުން ނެވެ.
އިޙްތިޖާޖަށް ގިނަ ބައެއްގެ ތާޢީދު ލިބެމުންދާއިރު ސޯޝަލް މީޑީއާ ޓުވިޓާރ އަދި ފޭސްބުކުގައިވެސް މި އިޙްތިޖާޖު ފުޅާކޮށް ކުރިއަށް ދާކަން ފާހަގަ ކުރެވެއެވެ.
